കോയമ്പത്തൂര്‍: ലുലു ഇന്റര്‍നാഷണല്‍ ഗ്രൂപ്പ് തമിഴ്‌നാട്ടില്‍ 3000 കോടി രൂപയുടെ നിക്ഷേപം നടത്തുമെന്ന് ലുലു ഗ്രൂപ്പ് ചെയര്‍മാന്‍ എം.എ യൂസഫലി വ്യക്തമാക്കി.
ഇതുസംബന്ധിച്ചു നേരത്തെ ലുലു ഗ്രൂപ്പ് തമിഴ്‌നാട് സര്‍ക്കാരുമായി ധാരണയില്‍ എത്തിയിട്ടുണ്ട്. ഫുഡ് സോഴ്‌സിങ്ങ് യൂണിറ്റ്, ലോജിസ്റ്റിക്‌സ് ഹബ്ബ് എന്നിവയടക്കം തമിഴ്‌നാട്ടിലെ വിവിധ മേഖലകളില്‍ ആരംഭിക്കുമെന്ന് ചെയര്‍മാന്‍ യൂസുഫലി എംഎ കോയമ്പത്തൂരില്‍ പറഞ്ഞു.കോയമ്പത്തൂരില്‍ ലുലു െൈഹപ്പര്‍മാര്‍ക്കറ്റ് ഉല്‍ഘാടനശേഷം സംസാരിക്കുകയായിരുന്നു അദ്ദേഹം.
ചെന്നൈയില്‍ തുടങ്ങുന്ന ലുലു മാളിന്റെ പ്രാരംഭ നിര്‍മ്മാണ പ്രവര്‍ത്തനങ്ങള്‍ താമസിയാതെ ആരംഭിക്കും. സേലം, ഈറോഡ്, ഹൊസൂര്‍ അടക്കം വിവിധ പ്രദേശങ്ങളില്‍ പുതിയ പദ്ധതികള്‍ വിപുലീകരിക്കുമെന്ന്ും യൂസുഫലി പറഞ്ഞു.