ബിജെപി എംപി തേജസ്വിയ്‌ക്കെതിരെ ഡിഎംകെ എംപി ദയാനിദി മാരന്റെ ട്രോള്‍ വീഡിയോ. തേജസ്വി സൂര്യ ഇന്‍ഡിഗോ വിമാനത്തിന്റെ എമര്‍ജന്‍സി വാതില്‍ തുറന്നത് വലിയ വിവാദമായിരുന്നു. ഇതിനു പിന്നാലെയാണ് മന്ത്രിയുടെ വിമാനത്തിന്റെ എമര്‍ജന്‍സി വാതിലിന് അടുത്തുള്ള സീറ്റില്‍ ഇരുന്നുകൊണ്ടുള്ള വീഡിയോ സാമൂഹ്യമാധ്യമങ്ങളില്‍ വൈറല്‍ ആയിരിക്കുന്നത്.
താന്‍ എമര്‍ജന്‍സി വാതിലിനു സമീപമാണ് ഇരിക്കുന്നതെന്നും എന്നാല്‍ വാതില്‍ തുറക്കില്ലെന്നുമാണ് ദയാനിധിമാരന്‍ പറയുന്നത്. ‘ഞാന്‍ കോയമ്പത്തൂരിലേക്കുള്ള ഇന്‍ഡിഗോ വിമാനത്തിലാണ്. എമര്‍ജന്‍സി വാതിലിനടുത്തുള്ള സീറ്റിലാണ് ഇരിക്കുന്നത്, പക്ഷെ വാതില്‍ തുറക്കില്ല. അത് വിമാനത്തിനും മറ്റുള്ള യാത്രക്കാരുടെ സുരക്ഷയ്ക്കും ഭീഷണിയാണ്. അങ്ങനെ ചെയ്യാതിരിക്കുന്നത് വഴി ഒരുപാട് സമയം ലാഭിക്കാം, ക്ഷമാപണ കത്ത് എഴുതേണ്ടി വരില്ലല്ലോ’. അദ്ദേഹത്തിന്റെ ഇങ്ങനെ. കഴിഞ്ഞ ഡിസംബറിലാണ് തേജസ്വിയെ വിവാദത്തിലാക്കിയ സംഭവമുണ്ടായത്.