സ്‌കൂട്ടറില്‍ രഹസ്യമായി കടത്താന്‍ ശ്രമിച്ച കഞ്ചാവുമായി ജില്ലയിലെ പ്രധാന ലഹരി മാഫിയ തലവനും കൂട്ടാളിയും അറസ്റ്റില്‍. കഴിഞ്ഞ ദിവസം വൈകീട്ട് വാഹന പരിശോധനയ്ക്കിടെയാണ് പിടിയിലായത്. ശൂരനാട് വടക്ക് പടിഞ്ഞാറ്റം മുറിയില്‍ സിജി ഭവനം ഗോപകുമാര്‍ (40), നൂറനാട് പുതുപ്പള്ളിക്കുന്നം ഖാന്‍ മന്‍സിലില്‍ ഷൈജുഖാന്‍ (40) എന്നിവരെയാണ് നൂറനാട് പൊലീസ് അറസ്റ്റ് ചെയ്തത്. പൊലീസിനെ കണ്ട് ഭയന്ന് രക്ഷപ്പെടാന്‍ ശ്രമിച്ച ഇവരെ പൊലീസ് കീഴ്‌പ്പെടുത്തുകയായിരുന്നു.
കുറച്ചുനാള്‍ മുന്‍പ് വരെ ചാരുംമൂട് കിഴക്ക് ഭാഗത്ത് കനാല്‍ പുറംമ്പോക്കില്‍ അനധികൃത തട്ടുകടക്കൊപ്പം കഞ്ചാവ് വില്‍പന നടത്തിവരുകയായിരുന്നു ഷൈജുഖാന്‍. തട്ടുകടയില്‍ നാല് ദോശയും ചമ്മന്തിയും സാമ്പാാറും അടങ്ങിയ പാര്‍സലിന് 500 രൂപയാണ് ഈടാക്കിയിരുന്നത്. കഞ്ചാവ് ആവശ്യമുള്ളവര്‍ക്ക് വേണ്ടിയാണ് 500 രൂപയുടെ പാര്‍സല്‍ കൊടുത്തിരുന്നത്.