സ്‌റ്റേഷനില്‍ നിന്ന് പുറപ്പെട്ട ട്രെയിനില്‍ കയറാനായി ബോബ് ഭീഷണി മുഴക്കിയ യാത്രക്കാരന്‍ ഷൊര്‍ണൂരില്‍ പിടിയില്‍. രാജധാനി എക്‌സ്പ്രസില്‍ കയറാനാണ് യാത്രക്കാരന്‍ വ്യാജ ബോംബ് ഭീഷണി മുഴക്കിയത്. ഇതുകാരണം ട്രെയിന്‍ ഷൊര്‍ണൂരില്‍ നിര്‍ത്തിയിട്ടു. എറണാകുളത്ത് നിന്ന് പുറപ്പെട്ട ട്രെയ്‌നില്‍ ഇയാള്‍ക്ക് കയറാനായില്ല. ഇതോടെ ബോംബ് ഭീഷണി മുഴക്കുകയായിരുന്നു. മാര്‍ബിള്‍ വ്യാപാരിയായ ജയ്‌സിങ് കച്ചവട ആവശ്യത്തിനായാണ് എറണാകുളത്തെത്തിയത്. ഇവിടെ നിന്ന് പുലര്‍ച്ചെയുള്ള രാജധാനി എക്‌സ്പ്രസില്‍ പുറപ്പെടുകയായിരുന്നു നീക്കം.
ട്രെയിന്‍ തൃശൂരില്‍ പിടിച്ചിടുമെന്നാണ് ജയ്‌സിംഗ് കരുതിയത്. എന്നാല്‍ പിടിച്ചിട്ടത് ഷൊര്‍ണൂരിലായിരുന്നു. ഇതോടെ ഷൊര്‍ണൂര്‍ വരെ ജയ്‌സിംഗ് യാത്ര ചെയ്തു. ഈ സമയത്ത് ആരാണ് ബോംബ് ഭീഷണിയ്ക്ക് പിന്നിലെന്ന് പൊലീസും ആര്‍പിഎഫും അന്വേഷിക്കുന്നുണ്ടായിരുന്നു. പ്രതിയെ തിരിച്ചറിഞ്ഞ അന്വേഷണ സംഘം രാത്രി തന്നെ പ്രതിയെ അറസ്റ്റ് ചെയ്തു. ഇപ്പോള്‍ ആര്‍പിഎഫിന്റെ കസ്റ്റഡിയിലാണ് ഇയാളുള്ളത്.