തിരുവനന്തപുരം /ചിറയിന്‍കീഴ് : കേന്ദ്ര സര്‍ക്കാറിന്റെ കര്‍ഷക വിരുദ്ധ നയങ്ങള്‍ക്കെതിരെ മുസ്ലിം യൂത്ത് ലീഗിന്റെ നേതൃത്വത്തില്‍ പ്രധാനമന്ത്രി നരേന്ദ്ര മോദിയുടെ കോലം നാട്ടി പ്രതിഷേധ പരിപാടി സംഘടിപ്പിച്ചു. മുസ്ലിം യൂത്ത് ലീഗ് സംസ്ഥാന കമ്മിറ്റിയുടെ ആഹ്വാനം പ്രകാരം ചിറയിന്‍കീഴ് നിയോജക മണ്ഡലം കമ്മിറ്റിയുടെ ആഭിമുഖ്യത്തില്‍ പെരുങ്ങുഴി മുട്ടപ്പലം തെങ്ങുംവിള വയല്‍ പാടത്തായിരുന്നു പ്രതിഷേധം. മുസ്ലിം ലീഗ് ജില്ലാ പ്രസിഡന്റ് പ്രൊഫ : തോന്നക്കല്‍ ജമാല്‍ പ്രതിഷേധ പരിപാടി ഉദ്ഘാടനം ചെയ്തു.
മണ്ഡലം യൂത്ത് ലീഗ് പ്രസിഡന്റ് മുനീര്‍ കൂര വിള അദ്ധ്യക്ഷത വഹിച്ചു, ജന:സെക്രട്ടറി നവാസ് മാടന്‍വിള സ്വാഗതം പറഞ്ഞു.യൂത്ത് ലീഗ് സംസ്ഥാന പ്രവര്‍ത്തക സമിതി അംഗ ഷഹീര്‍ ഖരീം സന്ദേശം നല്‍കി, മുസ്ലിം ലീഗ് മണ്ഡലം ജന:സെക്രട്ടറി ഷഹീര്‍ ജി അഹമ്മദ്, മുസ്ലീം ലീഗ് ദേശീയ സമിതി അംഗം മുട്ടപ്പലം നൗഷാദ്, പഞ്ചായത്ത് ലീഗ് പ്രസിഡന്റ് അജ്മല്‍ ഭായി, കെ.എം സി സി നേതാവ് സജീബ് പുതുക്കുറിച്ചി, എം എസ് എഫ് ജില്ലാ സെക്രട്ടറി മുഹമ്മദ് ഷഹീന്‍, അന്‍സര്‍ പെരുമാതുറ എന്നിവര്‍ സംസാരിച്ചു.