തെരഞ്ഞെടുപ്പ് അട്ടിമറിക്കാന്‍ സി.പി.എം ഗൂഡാലോചന, 10 ലക്ഷം യു.ഡി.എഫ് വോട്ടുകള്‍ വെട്ടി : ഉമ്മന്‍ ചാണ്ടി

തെരഞ്ഞെടുപ്പ് അട്ടിമറിക്കാന്‍ സി.പി.എം ഗൂഡാലോചന നടത്തിയെന്ന് ഉമ്മന്‍ചാണ്ടി. കള്ളവോട്ടിന് പുറമെ വോട്ടര്‍ പട്ടികയില്‍ വ്യാപകമായി ക്രമക്കേട് നടത്തിയിട്ടുണ്ട്. 10 ലക്ഷം യു.ഡി.എഫ് വോട്ടര്‍മാരെയാണ് പട്ടികയില്‍ നിന്ന് ഒഴിവാക്കിയത്. തെരഞ്ഞെടുപ്പ് അട്ടിമറിക്കാന്‍ സി.പി.എം നിരവധി കാര്യങ്ങള്‍ ചെയ്ത് കൂട്ടിയിട്ടുണ്ട് അതില്‍ ഒന്ന് മാത്രമാണ് ഇത്. 2016 ല്‍ 2.6 കോടി വോട്ടര്‍മാരുണ്ടായിരുന്നു എന്നാല്‍ 2019 ല്‍ കൂടിയത് 1.32 ലക്ഷം പേര്‍ മാത്രമാണെന്നും വാര്‍ത്താസമ്മേളനത്തില്‍ അദ്ദേഹം ചൂണ്ടിക്കാട്ടി.