വയനാടില്‍ നാടന്‍ പാട്ടുമായി രാഹുല്‍ഗാന്ധിയെ സ്വീകരിച്ചത് ആവേശമായി. കേരള കോണ്‍ഗ്രസ് എം നേതാവ് പി.ജെ. ജോസഫാണ് രാഹുല്‍ഗാന്ധിക്കുവേണ്ടി രണ്ട് സാധാരണക്കാരായ വനിതകള്‍ എഴുതിയ ഗാനം ആലപിച്ചത്. പിജെ ജോസഫിന്റെ തൊട്ടടുത്ത് തന്നെ നിന്ന രാഹുല്‍ ഗാന്ധി അത് ആസ്വാദിക്കുകയും ചെയ്തു. നിറഞ്ഞ വേദിയും സദസ്സും ആ ഗാനം ഏറ്റെടുക്കുകയായിരുന്നു. രാഹുലിന്റെ പ്രസംഗം കേള്‍ക്കാന്‍ തടിച്ചുകൂടിയവരെല്ലാം കയ്യടിച്ച് താളമിട്ടു. പാട്ട് അവസാനിച്ചപ്പോള്‍ പി.ജെ. ജോസഫിന് കൈ കൊടുത്ത് അഭിനന്ദിച്ചാണ് രാഹുല്‍ഗാന്ധി ഗാനത്തോടുള്ള തന്റെ ഇഷ്ടം അറിയിച്ചത്