journalism – Chandrika Daily https://www.chandrikadaily.com Tue, 28 Nov 2017 05:38:21 +0000 en-US hourly 1 https://wordpress.org/?v=5.8.12 https://www.chandrikadaily.com/wp-content/uploads/2020/08/chandrika-fav.jpeg journalism – Chandrika Daily https://www.chandrikadaily.com 32 32 മൈക്കിന്റെ സ്വാതന്ത്ര്യം മുഖ്യമന്ത്രിയുടെ മുക്കുവരെയെന്ന് സെബാസ്റ്റ്യന്‍ പോള്‍ https://www.chandrikadaily.com/sebastian-paul-against-pinarayi-vijayan-in-media-freedom.html https://www.chandrikadaily.com/sebastian-paul-against-pinarayi-vijayan-in-media-freedom.html#respond Tue, 28 Nov 2017 05:27:05 +0000 http://www.chandrikadaily.com/?p=56605 കോഴിക്കോട്: ചാനലുകള്‍ക്ക് മൈക്ക് ഉപയോഗിക്കാനുള്ള സ്വാതന്ത്ര്യമുണ്ടെങ്കിലും ആ സ്വാതന്ത്ര്യം മുഖ്യമന്ത്രിയുടെ മൂക്കില്‍ അവസാനിക്കുമെന്ന് ഡോ. സെബാസ്റ്റിയന്‍ പോള്‍. അതുകൊണ്ട് മുഖ്യമന്ത്രിക്ക് മാറി നില്‍ക്കൂ എന്നു പറയേണ്ടി വരുന്നത്. ഭരണഘടന അനുവദിക്കുന്ന അഭിപ്രായ സ്വാതന്ത്യത്തിനു ന്യായമായ നിയന്ത്രണങ്ങളുമുണ്ട്. അതും ഭരണഘടനയില്‍ തന്നെ വ്യക്തമാക്കിയിട്ടുണ്ട്. എന്റെ കുട ചുഴറ്റാനുള്ള സ്വാതന്ത്ര്യം അന്യന്റെ മുക്കു വരെയുള്ളു എന്ന് പറയാറില്ലേ. അത്രേയേ ഇതുമുള്ളു -അദ്ദേഹം കൂട്ടിച്ചേര്‍ത്തു.
കോഴിക്കോട് ഗവ. ലോ കോളേജില്‍ ഭരണഘടനാ ദിനാചാരണത്തിന്റെ ഭാഗമായി സംഘടിപ്പിച്ച സെമിനാറില്‍ വിദ്യാര്‍ഥികളുമായി സംവദിക്കുകയായിരുന്നു അദ്ദേഹം. ഭരണഘടനാ നിര്‍മാണം എന്നായിരുന്നു വിഷയം. സംവരണം ഇന്നത്തെ രീതിയില്‍ നിലനില്‍ക്കണോ എന്ന കാര്യത്തില്‍ എനിക്കും സംശയമുണ്ട്. മണ്ഡല്‍ കമ്മീഷനു ശേഷം സംവരണത്തിനു വേണ്ടി ഒരുപാട് സംസാരിച്ച വ്യക്തിയാണ് ഞാന്‍. ഭരണഘടനയില്‍ ആദ്യ ഭേദഗതി കൊണ്ടുവന്നതു തന്നെ സംവരണത്തിനു വേണ്ടിയായിരുന്നു. വിദ്യാഭ്യാസപരമായും സാമൂഹികലവുമായ പിന്നോക്കാവാസ്ഥകളെ കുറിച്ചേ ഭരണഘടനയില്‍ പറയുന്നുള്ളു. സാമ്പത്തിക പിന്നോക്കാവസ്ഥയെ കുറിച്ചു പറയുന്നില്ല. എങ്കില്‍ ഭരണഘടന പറയുന്ന വിഭാഗങ്ങള്‍ക്കുള്ള സംവരണം നിലനിര്‍ത്തിക്കൊണ്ടുതന്നെയാണ് മൂന്നോക്കാക്കാരില്‍ സാമ്പത്തികമായി പിന്നോക്കം നില്‍ക്കുന്നവര്‍ക്ക് സംവരണം ഏര്‍പ്പെടുത്തുന്നത്.
അതുകൊണ്ട് അതു ഭരണഘനാ വിരുദ്ധമാണെന്ന് പറയാന്‍ പറ്റില്ല. എന്നാല്‍ മുന്നോക്ക സമുദായത്തില്‍ പെട്ടവര്‍ക്ക് തുല്യ അവസരം നഷ്ടപ്പെടുന്നു എന്നു പറയാവുന്നതാണ് -അദ്ദേഹം ചൂണ്ടിക്കാട്ടി. ചരിത്രത്തിലെ വിസ്മയമാണ് ഇന്ത്യന്‍ ഭരണഘടന. നമ്മുടെ റിപ്പബ്ലിക്കിനെ നിലനിര്‍ത്തുന്ന ആധാര ഗ്രന്ഥമാണ് അത്. ഭരണഘടനയുടെ സ്ഥാപിത പിതാക്കന്മാര്‍ വളരെ സൂഭക്ഷ്മതയോടെയാണ് അത് കൈകാര്യം ചെയ്തത്. നെഹ്‌റുവിനേയും അംബേദ്കറേയും ഒക്കെ പോലെ വിസ്മയം ജനിപ്പിക്കുന്ന ഒരു താരാപഥം തന്നെയുണ്ടായിരുന്നു അതിനു പിന്നില്‍. ഇന്നത്ത പാര്‍ലമെന്റ് വിചാരിച്ചാല്‍ ഭരണഘടന പിച്ചിച്ചീന്തി കളയാമെന്നല്ലാതെ അതുപോലെ വേറെ ഒന്നു എഴുതിയുണ്ടാക്കാന്‍ കഴിയില്ല. കാര്യങ്ങള്‍ മനസ്സിലാകുന്ന പത്ത് ശതമാനം പേര്‍ പോലും സഭയില്‍ ഇല്ലെന്നതാണ് അതിനു കാരണം. പുതിയൊരു ഭരണഘടന ഉണ്ടാക്കാന്‍ അവര്‍ക്ക് കഴിയില്ല.
ഭരണഘടനയനുസരിച്ച് ദേശം ഒരു സങ്കല്‍പമാണ്. ഇന്ത്യ എന്ന വേറിട്ട ഒരു രാജ്യമില്ല. യൂനിയന്‍ ഓഫ് സ്റ്റേറ്റ്‌സാണ് ഇന്ത്യയെന്ന സങ്കല്‍പം. ദേശസ്‌നേഹം എന്നു പറഞ്ഞു ഭൂപടത്തിലെ വരകളെ ആദരിക്കുന്നതില്‍ അര്‍ഥമില്ല. മതേതരത്വവും സോഷ്യലിസവും ഭരണഘടനയില്‍ അന്തര്‍ലീനമാണെന്നതിനാലാണ് ആ വാക്കുകള്‍ ഭരണഘടനാ ശില്‍പികള്‍ പ്രിയാമ്പിളില്‍ ചേര്‍ക്കാതിരുന്നത്. ആ രണ്ടു വാക്കുകളേയും നിര്‍വചിക്കാന്‍ കഴിയില്ലെന്നായിരുന്നു അംബേദ്കര്‍ പറഞ്ഞത്. പിന്നീട് നാല്‍പ്പത്തിരണ്ടാം ഭേദഗതിയിലൂടെ സോഷ്യലിസവും സെക്കുലരിസവും ചേര്‍ത്തെങ്കിലും ഇന്നു അത് അറിഞ്ഞോ അറിയാതെയോ അതു കയ്യൊഴിഞ്ഞുകൊണ്ടിരിക്കുന്നതാണ് കാണുന്നത്. മാനവികതയാണ് നമ്മുടെ ഭരണഘടനയെ വിശിഷ്ടമാക്കുന്നത്. മാനവിക മൂല്യങ്ങളാണ് ഭരണഘടനക്കു വെളിച്ചം നല്‍കുന്നത്. അത് തലമുറയുടെ ഭാഗ്യമാണ് -അദ്ദേഹം വ്യക്തമാക്കി. പ്രിന്‍സിപ്പല്‍ ബിന്ദു നമ്പ്യാര്‍ അധ്യക്ഷത വഹിച്ചു. ഡോ. തിലകാനന്ദന്‍ സ്വാഗതവും നവനീത് പവിത്രന്‍ നന്ദിയും പറഞ്ഞു.

]]> https://www.chandrikadaily.com/sebastian-paul-against-pinarayi-vijayan-in-media-freedom.html/feed 0 ത്രിപുരയില്‍ വീണ്ടും പത്രപ്രവര്‍ത്തകന്‍ കൊല്ലപ്പെട്ടു https://www.chandrikadaily.com/journalist-shot-dead-by-tripura-state-rifles-jawan.html https://www.chandrikadaily.com/journalist-shot-dead-by-tripura-state-rifles-jawan.html#respond Tue, 21 Nov 2017 14:13:01 +0000 http://www.chandrikadaily.com/?p=55400 ഗുവാഹത്തി: ത്രിപുരയില്‍ വീണ്ടും പത്രപ്രവര്‍ത്തകന്റെ മരണം. ബംഗാളി പത്രമായ സായന്തന്‍ പത്രികയിലെ പത്രപ്രവര്‍ത്തകന്‍ സുധിപ് ദത്ത ഭൗമികാണ് കൊല്ലപ്പെട്ടത്. ത്രിപുര സ്റ്റേറ്റ് റൈഫിള്‍സ്(ടിഎസ്ആര്‍) ജവാന്റെ വെടിയേറ്റായിരുന്നു മരണം.
ആര്‍ കെ നഗറിലെ 2-ാം ടിഎസ്ആര്‍ കമാന്റന്റുമായുള്ള കൂടിക്കാഴ്ചയ്‌ക്കെത്തിയതായിരുന്നു സുധിപ്. നേരത്തേ തന്നെ കാണുന്നതിനുള്ള അനുമതി ലഭിച്ചിരുന്നുവെങ്കിലും സുരക്ഷാ ഉദ്യോഗസ്ഥരുമായി വാക്കേറ്റമുണ്ടാവുകയും പിഎസ്ഒ ജവാന്‍ അദ്ദേഹത്തിനു നേരെ വെടിയുതിര്‍ക്കുകയുമായിരുന്നു. സംഭവസ്ഥലത്തു വെച്ചുതന്നെ ഇയാള്‍ കൊല്ലപ്പെടുകയും ചെയ്തു.
പിന്നീട് മൃതദേഹം അഗര്‍ത്തലയിലെത്തിക്കുകയും കൊലപാതകം നടത്തിയ ടിഎസ്ആര്‍ ജവാനെ പൊലീസ് അറസ്റ്റ് ചെയ്യുകയും ചെയ്തു. സെപ്തംബര്‍ 20ന് ദിന്‍-രാത് ചാനലിലെ മാധ്യമപ്രവര്‍ത്തകനെ ഒരു കൂട്ടം ആളുകള്‍ തല്ലിക്കൊന്നിരുന്നു. സിപിഐ(എം)-ഐപിഎഫ്ടി പ്രവര്‍ത്തകര്‍ തമ്മിലുള്ള സംഘര്‍ഷം റിപ്പോര്‍ട്ട് ചെയ്യുന്നതിനിടെയായിരുന്നു സംഭവം.

]]> https://www.chandrikadaily.com/journalist-shot-dead-by-tripura-state-rifles-jawan.html/feed 0 ദേശീയ അവാര്‍ഡിന് അര്‍ഹനായ “ചന്ദ്രിക ഫോട്ടോഗ്രാഫര്‍” തന്‍സീറിനെ അഭിനന്ദിച്ച് പി.വി അബ്ദുല്‍ വഹാബ് എം.പി https://www.chandrikadaily.com/facebook-post-abdul-wahabpv-for-ck-thanseer-national-award.html https://www.chandrikadaily.com/facebook-post-abdul-wahabpv-for-ck-thanseer-national-award.html#respond Tue, 31 Oct 2017 16:43:00 +0000 http://www.chandrikadaily.com/?p=51110 പ്രസ് കൗണ്‍സില്‍ ഓഫ് ഇന്ത്യ പുരസ്‌കാരം നേടിയ ചന്ദ്രിക ഫോട്ടോഗ്രാഫര്‍ സികെ തന്‍സീറിനെ അഭിനന്ദിച്ച് പി.വി വഹാബ് എം.പി.
ചില ചിത്രങ്ങള്‍ ജീവിതം പറയും, ചിലത് സത്യം വിളിച്ചു പറയും എന്ന കുറിപ്പോടെയാണ് രാജ്യത്തിന്റെ നിലവിലെ രാഷ്ടീയ സാഹചര്യങ്ങളെ ചോദ്യം ചെയ്യുന്നത്തെ ചിത്രത്തെ എം.പി അഭിനന്ദിച്ചത്. വഹാബ് തന്റെ ഔദ്യോഗിക ഫെയ്‌സ് ബുക് പേജിലൂടെയാണ് അഭിനന്ദനം നേര്‍ന്നത്.

ഫെയ്‌സ് ബുക് പോസ്റ്റ് വായിക്കാം…

ചില ചിത്രങ്ങള്‍ ജീവിതം പറയും, ചിലത് സത്യം വിളിച്ചു പറയും.
ഉത്തരേന്ത്യയിലെ അധികാര-മാധ്യമ കൂട്ടുകെട്ട് കേരളത്തെ മലീമസമാക്കാന്‍ ശ്രമിക്കുമ്പോള്‍ ചന്ദ്രിക ദിനപത്രത്തിലെ ഫോട്ടോ ജേര്‍ണലിസ്റ്റ് സി കെ തന്‍സീറിന് പ്രസ് കൗണ്‍സില്‍ ഓഫ് ഇന്ത്യ പുരസ്‌കാരം നേടി കൊടുത്ത ഈ ചിത്രം വളരെയധികം സംസാരിക്കുന്നുണ്ട്.
കേരളമെന്തെന്നും, ഇവിടത്തെ മതേതര സ്വഭാവമെന്തെന്നും രാജ്യത്തോട് വിളിച്ചു പറയുന്നുണ്ട് ഈ ചിത്രം. അഭിനന്ദനങ്ങള്‍ തന്‍സീര്‍. എല്ലാവിധ ഭാവുകങ്ങളും നേരുന്നു.

]]> https://www.chandrikadaily.com/facebook-post-abdul-wahabpv-for-ck-thanseer-national-award.html/feed 0 കോവിന്ദിനെതിരായ പരാമര്‍ശം: റാണ അയ്യൂബിനെതിരെ ബി.ജെ.പി പരാതി നല്‍കി, പേടിപ്പിക്കാനാണെങ്കില്‍ വേറെ വല്ലതും കൊണ്ടുവരൂ എന്ന് റാണ https://www.chandrikadaily.com/complaint-against-rana-ayyub-for-remarks-about-kovind.html https://www.chandrikadaily.com/complaint-against-rana-ayyub-for-remarks-about-kovind.html#respond Tue, 20 Jun 2017 08:23:39 +0000 http://www.chandrikadaily.com/?p=32916 എന്‍.ഡി.എയുടെ പ്രസിഡണ്ട് സ്ഥാനാര്‍ത്ഥി രാംനാഥ് കോവിന്ദിനെപ്പറ്റി ട്വീറ്റ് ചെയ്തതിന് മാധ്യമ പ്രവര്‍ത്തക റാണ അയ്യൂബിനെതിരെ ബി.ജെ.പി വക്താവ് നുപുര്‍ ശര്‍മ പൊലീസില്‍ പരാതി നല്‍കി. രാഷ്ട്രപതി സ്ഥാനത്തേക്കുള്ള ഏറ്റവും മോശം തെരഞ്ഞെടുപ്പായിരിക്കും രാം നാഥ് കോവിന്ദിന്റേതെന്ന റാണയുടെ പ്രസ്താവനയാണ് ബി.ജെ.പിയെ ചൊടിപ്പിച്ചത്.

പോലീസില്‍ പരാതി നല്‍കിയ വാര്‍ത്ത നുപുര്‍ ട്വിറ്ററിലൂടെ പുറത്തുവിട്ടതിനു പിന്നാലെ, പരിഹാസവുമായി റാണ അയ്യൂബ് രംഗത്തെത്തി. നുപുറിന്റേത് ശ്രദ്ധ പിടിച്ചുപറ്റാനുള്ള നാടകമാണെന്നും വേണമെങ്കില്‍ ബി.ജെ.പി നേതാക്കളെപ്പറ്റി ഗുരുതരമായ നിരവധി കാര്യങ്ങള്‍ പറഞ്ഞ തന്റെ ‘ഗുജറാത്ത് ഫയല്‍സ്’ എന്ന പുസ്തകം അയച്ചുതരാമെന്നും റാണ പ്രതികരിച്ചു.

നിലവിലെ ബിഹാര്‍ ഗവര്‍ണറും എന്‍.ഡി.എയുടെ രാഷ്ട്രപതി സ്ഥാനാര്‍ത്ഥിയുമായ രാംനാഥ് കോവിന്ദിനെ രാഷ്ട്രപതി സ്ഥാനത്തേക്കുള്ള മോശം തെരഞ്ഞെടുപ്പാണെന്ന പരാമര്‍ശം പട്ടികജാതിക്കാര്‍ക്കെതിരായ പരാമര്‍ശമാണെന്നാണ് നുപുര്‍ ശര്‍മ ട്വിറ്ററില്‍ കുറിച്ചത്. ഡല്‍ഹി ഐ.ടി.ഒ പോലീസ് ആസ്ഥാനത്താണ് പരാതി നല്‍കിയത്. എന്നാല്‍ ‘ജോലിയൊന്നുമില്ലാതെ ഇരിക്കുന്ന’ ബി.ജെ.പി വക്താവിന്റെ കേസിനെ അവഗണിക്കുന്നതായി റാണ വ്യക്തമാക്കി. ‘എന്നെ പേടിപ്പിക്കാനാണ് ഉദ്ദേശ്യമെങ്കില്‍ കുറച്ചുകൂടി മികച്ച വല്ലതും കൊണ്ട് വരണം എന്ന് ആരെങ്കിലും ബി.ജെ.പി വക്താക്കളോട് പറയൂ…’ എന്നും റാണ ട്വീറ്റ് ചെയ്തു. തന്റെ പരാമര്‍ശം പട്ടിക ജാതിക്കാര്‍ക്കെതിരാവുമെങ്കില്‍ മന്‍മോഹന്‍ സിങ് കോട്ടിട്ട് കുളിക്കുന്നയാളാണെന്ന മോദിയുടെ പ്രസ്താവന സിഖ് ജനതയെ അവഹേളിക്കുന്നതായി കാണേണ്ടി വരുമെന്നും അവര്‍ ചൂണ്ടിക്കാട്ടി.

2002 ഗുജറാത്ത് കലാപത്തില്‍ ബി.ജെ.പി നേതാക്കള്‍ക്കുള്ള പങ്ക് വ്യക്തമാക്കുന്ന ഗുജറാത്ത് ഫയല്‍സ് എന്ന കൃതിയിലൂടെയാണ് റാണ അയ്യൂബ് ശ്രദ്ധ നേടിയത്. നിരവധി പ്രസാധകര്‍ നിരസിച്ചതിനെ തുടര്‍ന്ന് സ്വന്തം നിലയ്ക്കാണ് റാണ ആ പുസ്തകം പ്രസിദ്ധീകരിച്ചത്. മണിക്കൂറുകള്‍ക്കകം പുസ്തകം ബെസ്റ്റ് സെല്ലറായി മാറുകയും ചെയ്തു.

]]> https://www.chandrikadaily.com/complaint-against-rana-ayyub-for-remarks-about-kovind.html/feed 0 മോദിയെ വേദിയിലിരുത്തി പത്രപ്രവര്‍ത്തനം ‘പഠിപ്പിച്ച്’ ഇന്ത്യന്‍ എക്‌സ്പ്രസ് എഡിറ്റര്‍ https://www.chandrikadaily.com/rajkamal-jha-speech-on-journalism.html https://www.chandrikadaily.com/rajkamal-jha-speech-on-journalism.html#respond Fri, 04 Nov 2016 02:52:29 +0000 http://www.chandrikadaily.com/?p=6441 ഇന്ത്യന്‍ എക്‌സ്പ്രസിന്റെ രാംനാഥ് ഗോയങ്ക പുരസ്‌കാരങ്ങള്‍ വിതരണം ചെയ്യാന്‍ പ്രധാനമന്ത്രി നരേന്ദ്ര മോദി എത്തിയത് രാജ്യത്തെ പ്രമുഖ മാധ്യമപ്രവര്‍ത്തകരില്‍ അതൃപ്തിയുക്കിടയാക്കിയിരുന്നു. മോദിയില്‍ നിന്ന് അവാര്‍ഡ് സ്വീകരിക്കാന്‍ താല്‍പര്യമില്ലെന്നു വ്യക്തമാക്കി മികച്ച നോണ്‍ഫിക്ഷന്‍ പുസ്തകത്തിനു പുരസ്‌കാരത്തിനര്‍ഹനായ അക്ഷയ മുകുള്‍ ചടങ്ങ് ബഹിഷ്‌കരിക്കുകയും ചെയ്തു. അതിനിടെ, ചടങ്ങില്‍ നന്ദിപ്രഭാഷണം നടത്തിയ എക്‌സ്പ്രസ് എഡിറ്റര്‍ രാജ്കമല്‍ ഝാ മോദിയെ വേദിയിലിരുത്തി ചുരുങ്ങിയ വാക്കുകളില്‍ പത്രപ്രവര്‍ത്തനത്തില്‍ ഒരു ക്ലാസ് തന്നെ എടുത്തു കൊടുത്തു.

രാജ്കമല്‍ ഝാ

രാജ്കമല്‍ ഝാ

തന്റെ പ്രസംഗത്തിനിടെ മോദി ഇന്ത്യന്‍ എസ്‌ക്പ്രസ് ഇന്ത്യന്‍ മാധ്യമപ്രവര്‍ത്തനത്തിന് നല്‍കിയ സംഭാവന പുകഴ്ത്തിയിരുന്നു. അടിയന്തരാവസ്ഥക്കാലത്ത് സ്ഥാപക പത്രാധിപരായ രാംനാഥ് ഗോയങ്ക ശക്തമായ നിലപാടെടുത്ത കാര്യവും മോദി സ്മരിച്ചു.

എന്നാല്‍ രാജ്കമല്‍ ഝായുടെ പ്രസംഗം ഇങ്ങനെയായിരുന്നു: ‘താങ്കള്‍ ഞങ്ങളെപ്പറ്റി ഒരുപാട് നല്ല കാര്യങ്ങള്‍ പറഞ്ഞു. അത് കേള്‍ക്കുമ്പോള്‍ ഞങ്ങള്‍ക്ക് പേടിയാണ്‌.
. സംസ്ഥാനത്തെ മുഖ്യമന്ത്രി ‘താങ്കളുടെ റിപ്പോര്‍ട്ടര്‍ നന്നായി ജോലി ചെയ്യുന്നുണ്ട്’ എന്ന് പുകഴ്ത്തിയ ഒരു മാധ്യമപ്രവര്‍ത്തകനെ ഗോയങ്ക പുറത്താക്കിയിട്ടുണ്ട്.’

അര്‍ണാബ് ഗോസ്വാമിയുടേതടക്കമുള്ള ‘സെല്‍ഫി’ പത്രപ്രവര്‍ത്തനത്തെയും ഝാ വിമര്‍ശിച്ചു: ‘ഈ സെല്‍ഫി ജേണലിസത്തില്‍ നിങ്ങളുടെ കൈയില്‍ വിവരങ്ങള്‍ ഇല്ലെങ്കിലും കുഴപ്പമില്ല. ഫ്രെയിമില്‍ കൊടിവെച്ചതിനു ശേഷം അതിനു പിന്നില്‍ മറഞ്ഞിരുന്നാല്‍ മതി’

‘നല്ല ജേണലിസമെന്നാല്‍ റിപ്പോര്‍ട്ടര്‍മാര്‍ റിപ്പോര്‍ട്ട് ചെയ്യുക, എഡിറ്റര്‍മാര്‍ എഡിറ്റ് ചെയ്യുക എന്നതാണ്. സെല്‍ഫി ജേണലിസ്റ്റുകള്‍ ചെയ്യുന്നതല്ല.’

‘ഗവണ്‍മെന്റില്‍ നിന്നുള്ള വിമര്‍ശനം ഒരു ജേണലിസ്റ്റിന് അഭിമാന ചിഹ്നമാണ്.’

‘നല്ല ജേണലിസം മരിക്കുന്നില്ല. ചീത്ത ജേണലിസം ഒരുപാട് ഒച്ചപ്പാടുണ്ടാക്കുന്നു എന്നേയുള്ളൂ…’

രാജ്യത്തെ പ്രമുഖ പത്രപ്രവര്‍ത്തകരിലൊരാളായ ഝായുടെ ഹൃസ്വപ്രസംഗം കേട്ട് സദസ്സ് കയ്യടിക്കുമ്പോള്‍ അസ്വസ്ഥനായി ഇരിക്കാനേ മോദിക്ക് കഴിഞ്ഞുള്ളൂ.

മോദിയുടെ പ്രസഗവും ഝായുടെ നന്ദി പ്രസംഗവും
1:35:20 മുതല്‍ ഝായുടെ പ്രസംഗം കേള്‍ക്കാം

Related: മോദിയില്‍ നിന്ന് ഗോയങ്ക അവാര്‍ഡ് ഏറ്റുവാങ്ങില്ല; അക്ഷയ മുകുള്‍ അവാര്‍ഡ് ചടങ്ങ് ബഹിഷ്‌കരിച്ചു

]]> https://www.chandrikadaily.com/rajkamal-jha-speech-on-journalism.html/feed 0 ‘മോദിയാണ് തരുന്നതെങ്കില്‍ അവാര്‍ഡ് വാങ്ങില്ല’; ടൈംസ് ഓഫ് ഇന്ത്യ ജേണലിസ്റ്റ് അക്ഷയ മുകുള്‍ ഗോയങ്ക അവാര്‍ഡ് ചടങ്ങ് ബഹിഷ്‌കരിച്ചു https://www.chandrikadaily.com/senior-toi-journalist-akshaya-mukul-boycotts-rng-award.html https://www.chandrikadaily.com/senior-toi-journalist-akshaya-mukul-boycotts-rng-award.html#respond Wed, 02 Nov 2016 15:20:44 +0000 http://www.chandrikadaily.com/?p=6203 പ്രധാനമന്ത്രി നരേന്ദ്ര മോദിയുടെ കൈയില്‍ നിന്ന് പുരസ്‌കാരം ഏറ്റുവാങ്ങാന്‍ താല്‍പര്യമില്ലാത്തതിനാല്‍ ടൈംസ് ഓഫ് ഇന്ത്യയിലെ സീനിയര്‍ പത്രപ്രവര്‍ത്തകന്‍ അക്ഷയ മുകുള്‍, രാംനാഥ് യോഗങ്ക അവാര്‍ഡ് ദാനച്ചടങ്ങ് ബഹിഷ്‌കരിച്ചു. ഇന്ത്യന്‍ എക്‌സ്പ്രസ് ഗ്രൂപ്പ് നല്‍കുന്ന ഗോയങ്ക സ്മാരക പുരസ്‌കാരങ്ങളില്‍ അക്ഷയ മുകുളിന്റെ ‘ഗീതാ പ്രസ്സും ഹിന്ദു ഇന്ത്യയുടെ നിര്‍മിതിയും’ (Gita Press and the Making of Hindu India) എന്ന പുസ്തകം മികച്ച നോണ്‍ ഫിക്ഷന്‍ ഗ്രന്ഥത്തിനുള്ള പുരസ്‌കാരമാണ് നേടിയത്. അക്ഷയ മുകുളിന് പകരം, പുസ്തകം പ്രസിദ്ധീകരിച്ച ഹാര്‍പര്‍കോളിന്‍സ് ഇന്ത്യ ചീഫ് എഡിറ്റര്‍ കൃഷ്ണന്‍ ചോപ്ര പുരസ്‌കാരം ഏറ്റുവാങ്ങി.

20 വര്‍ഷത്തോളമായി ടൈംസ് ഓഫ് ഇന്ത്യയില്‍ റിപ്പോര്‍ട്ടറായ അക്ഷയ മുകുളിന്റെ ‘ഗീതാ പ്രസ്’ ടാറ്റ ലിറ്ററേച്ചര്‍ ലൈവ് അവാര്‍ഡും ആട്ട ഗലാട്ട ബാംഗ്ലൂര്‍ ലിറ്ററേച്ചര്‍ ഫെസ്റ്റിവല്‍ പ്രൈസുമടക്കമുള്ള പുരസ്‌കാരം നേടിയ ഗ്രന്ഥമാണ്. പത്രപ്രവര്‍ത്തന രംഗത്തെ ഉന്നത പുരസ്‌കാരങ്ങളിലൊന്നായി കരുതപ്പെടുന്ന രാംനാഥ് ഗോയങ്ക അവാര്‍ഡ്, തന്റെ കൃതിക്ക് ലഭിച്ചതില്‍ അദ്ദേഹം സന്തുഷ്ടനുമായിരുന്നു. എന്നാല്‍, മോദിയില്‍ നിന്ന് ഏറ്റുവാങ്ങേണ്ടി വരുമെന്നതിനാല്‍ ചടങ്ങ് ബഹിഷ്‌കരിക്കുകയായിരുന്നു അദ്ദേഹം എന്ന് ‘ദി കാരവനി’ല്‍ സന്ദീപ് ഭൂഷണ്‍ എഴുതുന്നു.

mukul-book

‘ഞാനും മോദിയും ഒരേ ഫ്രെയിമില്‍ ഉണ്ടാവുകയും ക്യാമറക്കു നേരെ ചിരിക്കുകയും പുരസ്‌കാരം നല്‍കുമ്പോള്‍ ഹസ്തദാനം നടത്തുകയും ചെയ്യുക എന്ന ആശയത്തില്‍ ജീവിക്കാന്‍ എിക്ക് കഴിയില്ല’ – മുകുള്‍ പറഞ്ഞു. ഫെബ്രുവരിയില്‍ കനയ്യ കുമാറിന്റെ കേസിനിടെ പട്യാല കോടതിയില്‍ ബി.ജെ.പി നേതാവ് ഒ.പി ശര്‍മയുടെ നേതൃത്വത്തിലുള്ള ഗുണ്ടകള്‍ മാധ്യമ പ്രവര്‍ത്തകരെ മര്‍ദിച്ച സംഭവത്തെപ്പറ്റി മുകുള്‍ സ്മരിച്ചതായും സന്ദീപ് ഭൂഷന്റെ ലേഖനത്തില്‍ പറയുന്നു.

മോദിയെ പുരസ്‌കാരത്തിന് ക്ഷണിച്ചതില്‍ ഇന്ത്യന്‍ എക്‌സ്പ്രസിലെ മാധ്യമപ്രവര്‍ത്തകര്‍ക്കു തന്നെ അതൃപ്തിയുണ്ടെന്നും ലേഖത്തില്‍ ചൂണ്ടിക്കാട്ടുന്നു.

]]> https://www.chandrikadaily.com/senior-toi-journalist-akshaya-mukul-boycotts-rng-award.html/feed 0