ജുനൈദ് കൊലക്കേസില്‍ ജുഡീഷ്യല്‍ കസ്റ്റഡിയിലായിരുന്ന പ്രതിക്ക് കോടതി ജാമ്യം അനുവദിച്ചു. നരേഷ് കുമാറിനാണ് കോടതി ജാമ്യം നല്‍കിയത്. 2017 ജൂലൈ 8 മുതല്‍ ഇയാള്‍ ജുഡീഷ്യല്‍ കസ്റ്റഡിയിലായിരുന്നു. ഇതോടെ കേസിലെ എല്ലാ പ്രതികള്‍ക്കും ജാമ്യം ലഭിച്ചു.

ജസ്റ്റിസ് ദയ ചൗധരിയാണ് നരേഷ് കുമാറിന് ജാമ്യം അനുവദിച്ചത്. കഴിഞ്ഞ ഒരു വര്‍ഷമായി പ്രതി ജയിലിലാണെന്നും അതുകൊണ്ട് തന്നെ ഇടക്കാലജാമ്യത്തിന് അര്‍ഹതയുണ്ടെന്നും പ്രതിയുടെ അഭിഭാഷകന്‍ കോടതിയില്‍ വാദിച്ചു.

ജൂണ്‍ 7ന് ഫരീദാബാദ് സെഷന്‍ കോടതി നരേഷിന്റെ ജാമ്യാപേക്ഷ തള്ളിയിരുന്നു. പ്രതിയ്ക്ക് നേരെ ചുമത്തിയിരിക്കുന്ന ഗുരുതര വകുപ്പുകളാണെന്നും ജാമ്യം അനുവദിച്ചാല്‍ സാക്ഷികളെ സ്വാധീനിക്കാന്‍ സാധ്യതയുണ്ടെന്നും കാണിച്ചായിരുന്നു കോടതി ജാമ്യം നിഷേധിച്ചത്.
ജുനൈദിനെ കുത്തിയതായി പ്രതി പൊലീസിനോട് സമ്മതിച്ചിരുന്നു. എന്നാല്‍ കുത്തേറ്റ കിടന്ന ജുനൈദിനെ ആശുപത്രിയിലെത്തിക്കാന്‍ ആരും തയ്യാറാകാത്തതിനെ തുടര്‍ന്ന് രക്തം വാര്‍ന്നാണ് മരണം സംഭവിച്ചതെന്നായിരുന്നു പ്രതിയെ കോടതിയില്‍ ഹാജരാക്കുന്നതിന് മുന്‍പ് പൊലീസ് വാര്‍ത്താ സമ്മേളനം വിളിച്ച് പറഞ്ഞിരുന്നത്.ദല്‍ഹിയിലെ സദര്‍ ബസാറില്‍ നിന്ന് ഈദ് ആഘോഷത്തിനാവശ്യമായ സാധനങ്ങള്‍ വാങ്ങി മടങ്ങുമ്പോഴാണു ജുനൈദും സഹോദരങ്ങളായ ഹാഷീം, സക്കീര്‍, മുഹ്സിന്‍ എന്നിവരും ആക്രമണത്തിനിരയായത്.

ബീഫ് കഴിക്കുന്നവരെന്നു പറഞ്ഞായിരുന്നു ആക്രമണം. ട്രെയിന്‍ ഓഖ്ല സ്റ്റേഷനിലെത്തിയപ്പോള്‍ ഇരുപത്തഞ്ചോളം ആളുകള്‍ തള്ളിക്കയറി. ജുനൈദിനോടും സഹോദരങ്ങളോടും മാറിയിരിക്കാന്‍ സംഘം ആവശ്യപ്പെട്ടു. എന്തിനാണെന്നു ചോദിച്ചപ്പോള്‍ ധരിച്ചിരുന്ന തൊപ്പി ചൂണ്ടിക്കാട്ടി സംഘം അസഭ്യവര്‍ഷം തുടങ്ങി. ദേശസ്നേഹം ഇല്ലാത്തവര്‍, പാക്കിസ്ഥാനികള്‍, മാട്ടിറച്ചി കഴിക്കുന്നവര്‍ എന്നൊക്കെ വിളിച്ചാണ് ചീത്ത പറഞ്ഞതും തല്ലിയതും. ഇതിന് പിന്നാലെ നരേഷ് കുമാര്‍ എന്നയാള്‍ കത്തിയെടുത്ത് ജുനൈദിനെ കുത്തുകയായിരുന്നെന്ന് ബന്ധുക്കള്‍ പറഞ്ഞിരുന്നു.

കേസില്‍ സി.ബി.ഐ അന്വേഷണം ആവശ്യമില്ലെന്ന പഞ്ചാബ് – ഹരിയാന ഹൈക്കോടതി വിധിക്കെതിരെയാണ് ജുനൈദിന്റെ പിതാവ് ജലാലുദ്ദീന്‍ സുപ്രീം കോടതിയില്‍ പോയത്. ഹൈക്കോടതി സിംഗിള്‍ ബെഞ്ചിന്റെ വിധി ഡിവിഷന്‍ ബെഞ്ച് ശരിവെച്ചിരുന്നു.

കേസ് അന്വേഷിച്ച സംസ്ഥാന പൊലീസ് പ്രതികള്‍ക്കു മേല്‍ 153 എ (മതത്തിന്റെ പേരില്‍ ശത്രുത സൃഷ്ടിക്കല്‍), 153 ബി (ദേശീയോദ്ഗ്രഥനം ഉറപ്പിക്കല്‍), 120 ബി (ക്രിമിനല്‍ ഗൂഢാലോചന), 149 (നിയമവിരുദ്ധമായ കൂട്ടംചേരല്‍) തുടങ്ങിയവ ചുമത്തിയില്ലെന്നു കാണിച്ചാണ് ജുനൈദിന്റെ പിതാവ് സുപ്രീം കോടതിയെ സമീപിച്ചത്. സംസ്ഥാന പൊലീസിന്റെ അന്വേഷണ രീതിയില്‍ പിഴവുകളുണ്ടെന്നും അദ്ദേഹം കോടതിയില്‍ ചൂണ്ടിക്കാട്ടി.

കേസിലെ വിചാരണ നിര്‍ണായക ഘട്ടത്തിലാണെന്നും ഇക്കാര്യത്തില്‍ ഇടപെടാനില്ലെന്നും ജസ്റ്റിസുമാരായ കുര്യന്‍ ജോസഫ്, മോഹന്‍ ശാന്തനഗൗഡര്‍ എന്നിവരുടെ ബെഞ്ച് വ്യക്തമാക്കി. സി.ബി.ഐ അന്വേഷണം വേണമെന്ന ജുനൈദിന്റെ ആവശ്യത്തില്‍ മറുപടി നല്‍കാന്‍ സി.ബി.ഐയോടും ഹരിയാന സര്‍ക്കാറിനോടും കോടതി വിശദീകരണം തേടി.

ഡല്‍ഹിയില്‍ നിന്നും ഉത്തര്‍പ്രദേശിലെ ബഗ്ഭത് ഗ്രാമത്തിലേക്ക് മടങ്ങുകയായിരുന്ന മുന്ന് മുസ്ലിം പണ്ഡിതന്മാര്‍ക്ക് ട്രെയിനില്‍ ക്രൂര മര്‍ദ്ദനം. എന്തിനാണ് സല്‍വ ധരിച്ചിരിക്കുന്നതെന്നും ചോദിച്ചു കൊണ്ടായിരുന്നു ആക്രമം.

രാത്രി പതിനൊന്നിനടുത്തായിരുന്നു സംഭവം. മദ്രസ്സാ അദ്ധ്യാപകരായ മൂന്നു പണ്ഡിതന്മാരും അടുത്ത സ്റ്റേഷനില്‍ ഇറങ്ങാനുള്ള തയ്യാറെടുപ്പിലായിരുന്നു. ആ സമയത്തായിരുന്നു ആരുപോരടങ്ങുന്ന സംഘം വന്ന് പുറത്തേക്കുള്ള വാതില്‍ കുറ്റിയിട്ട് മര്‍ദ്ദിക്കാന്‍ തുടങ്ങുന്നത്. ഐസ് പൊട്ടിക്കുന്ന ഇരുമ്പ് ദണ്ഡ് ഉപയോഗിച്ചായിരുന്നു മര്‍ദ്ദനം.

ആഴത്തിലുള്ള മുറിവേറ്റ മൂന്നു പേരേയും ആശുപത്രിയില്‍ പ്രവേശിപ്പിച്ചിട്ടുണ്ട്. എന്നാല്‍ ട്രെയിനിനു പുറത്തേക്കെറിഞ്ഞോ എന്ന കാര്യത്തില്‍ പോലീസിന്റെ ഭാഗത്തു നിന്നും സ്ഥിരീകരണം വന്നിട്ടില്ല. അക്രമത്തിന് പിന്നില്‍ എന്തെങ്കിലും സാമുദായിക താല്‍പര്യങ്ങള്‍ ഉണ്ടോ എന്ന കാര്യവും വ്യക്തമല്ല. എന്തിനാണ് ഇങ്ങനെ ചെയ്യുന്നതെന്ന് ഇസ്‌റാര്‍ അക്രമികളോട് ചോദിച്ചെങ്കിലും അവര്‍ അക്രമം തുടര്‍ന്നു കൊണ്ടേയിരിക്കുകയായിരുന്നു. അതിനിടയിലാണ് ഒരു അക്രമി എന്തിനാണ് റുമ്മാല്‍ ധരിച്ചിരിക്കുന്നതെന്ന് ചോദിച്ചത്. കഫിയ്യയും റുമ്മാലും മുസ്ലിം പണ്ഡിതന്മാരുപോയിഗിക്കുന്ന ഒരു തരം തുണിയാണ്. ഇതുപോലെ മുമ്പൊരിക്കലും അനുഭവമുണ്ടായിട്ടില്ലെന്നു ഇസ്‌റാര്‍ സാക്ഷ്യപ്പെടുത്തുന്നു.
അക്രമകാരികളെ തിരിച്ചറിഞ്ഞിട്ടില്ലെങ്കിലും കേസ് രജിസ്റ്റര്‍ ചെയ്തിട്ടുണ്ടെന്ന് മുതിര്‍ന്ന പോലീസുദ്യോഗസ്ഥന്‍ പ്രകാശ് വ്യക്തമാക്കി.

ചോദ്യമാണ് ചേദിക്കേത് എന്നത് പറഞ്ഞു കൊടുക്കുന്ന രീതി അഭിഭാഷകവൃത്തിക്ക് ചേര്‍ന്നതല്ലെന്നും കോടതി പറഞ്ഞു.
അഡിഷണല്‍ അഡ്വക്കറ്റ് ജനറല്‍ സ്ഥാനത്തിരിക്കുന്ന നവീന്‍ കൗഷിക്ക് എന്തടിസ്ഥാനത്തിലാണ് പ്രതിഭാഗത്തെ സഹായിക്കുന്നതെന്നും കോടതി ചോദിച്ചു.

ടാക്‌സി ഡ്രൈവിങ് നടത്തി ഉപജീവനം നടത്തിയിരുന്ന ജലാലുദ്ദിന്റെ ഓട്ടോറിക്ഷ നേരത്തെ വിറ്റിരുന്നു. നേരത്തെ ജുനൈദിന്റെ വീട് സന്ദര്‍ശിച്ച സമയത്ത് മുസ്‌ലിം ലീഗ് നേതൃത്വം വാഹനം നല്‍കുമെന്ന് വാഗ്ദാനം ചെയ്തിരുന്നു.
സാദിഖലി ശിഹാബ് തങ്ങള്‍ കാറിന്റെ താക്കോല്‍ ജലാലുദ്ദീന് കൈമാറി. മുസ്‌ലിം ലീഗ് നേതാക്കളായ പി.കെ കുഞ്ഞാലിക്കുട്ടി എം.പി, ഇ.ടി മുഹമ്മദ് ബഷീര്‍ എം.പി, ഡോ.എം.കെ മുനീര്‍, പി.വി അബ്ദുല്‍ വഹാബ് എം.പി, സി.കെ സുബൈര്‍ എന്നിവര്‍ സംബന്ധിച്ചു

ജുനൈദിന്റെ കൊലപാതകത്തിന് ബീഫുമായി ബന്ധമില്ലെന്ന് സ്ഥാപിക്കാന്‍ ശ്രമിക്കുന്നതായിരുന്നു റെയില്‍വെ പൊലീസിന്റെ ഭാഷ്യം. കേസില്‍ ബീഫ് സംബന്ധിച്ച പരാമര്‍ശമില്ലെന്ന് സൂപ്രണ്ട് പ്രതികരിച്ചു.

സീറ്റ് തര്‍ക്കം കയ്യാങ്കളിയിലേക്കും അക്രമത്തിലേക്കും നീങ്ങുകയായിരുന്നു. കുത്തേറ്റ ജുനൈദിനെ ആരം ആസ്പത്രിയിലെത്തിച്ചില്ല. രക്തം വാര്‍ന്നാണ് ജുനൈദ് മരിച്ചത്. ജുനൈദിനെ കുത്താനുപയോഗിച്ച കത്തി കണ്ടെത്താനുള്ള ശ്രമത്തിലാണെന്നും റെയില്‍വെ പൊലീസ് സൂപ്രണ്ട് പറഞ്ഞു.

ജുനൈദിന്റെ വയറ്റില്‍ കത്തി കൊണ്ട് കുത്തിയയാളെ മഹാരാഷ്ട്ര പൊലീസ് ധുലെ ജില്ലയില്‍ നിന്ന് ഇന്നലെ അറസ്റ്റു ചെയ്തിരുന്നു. എന്നാല്‍ ഇയാളുടെ പേരു വിവരങ്ങള്‍ പുറത്തുവിടാന്‍ പൊലീസ് ഇതുവരെ തയാറായിട്ടില്ല.

സംഭവവുമായി ബന്ധപ്പെട്ട് നേരത്തെ അറസ്റ്റിലായ നാലു പേരുടെയും വിവരങ്ങള്‍ പൊലീസ് വെളിപ്പെടുത്തിയിരുന്നു. എന്നാല്‍ പ്രധാന പ്രതിയുടെ പേര് മാത്രം വെളിപ്പെടുത്താത്തതില്‍ ദുരൂഹതയുണ്ടെന്ന് ജനങ്ങള്‍ ആരോപിച്ചു. നിയമപരമായ തടസ്സമുള്ളതു കൊണ്ടാണ് പേര് പുറത്തുവിടാത്തതെന്നാണ് ഫരീദാബാദ് പൊലീസിന്റെ ഭാഷ്യം.

പെരുന്നാളിന് രണ്ടു ദിവസം മുമ്പ് ഡല്‍ഹി ജുമാ മസ്ജിദ് സന്ദര്‍ശിച്ച് മടങ്ങുമ്പോഴാണ് ട്രയിനില്‍ വെച്ച് സഹയാത്രികര്‍ ക്രൂരമായി ആക്രമിച്ച് ജുനൈദിനെ കൊലപ്പെടുത്തിയത്. ബീഫ് തീനികളെന്നും ദേശവിരുദ്ധരെന്നും ആക്രോശിച്ചായിരുന്നു ആക്രമണം.

സംഭവത്തില്‍ തെളിവു നല്‍കാന്‍ ആരും തയാറാകാതിരുന്ന സാഹചര്യത്തില്‍ ജുനൈദിന്റെ സഹോദരന്‍ ഹസീബിന്റെയും മറ്റു രണ്ട് ബന്ധുക്കളുടെയും മൊഴിയുടെ അടിസ്ഥാനത്തിലാണ് ഹരിയാന പൊലീസ് കേസന്വേഷണം നടത്തുന്നത്.

ജുനൈദിനെ കുത്തിയ അക്രമിയെ തിരിച്ചറിയാന്‍ സഹായിക്കുന്നയാളെ സംബന്ധിച്ച വിശദാംശങ്ങള്‍ രഹസ്യമായി സൂക്ഷിക്കുമെന്ന് ഹരിയാന റെയില്‍വേ പൊലീസിലെ ഡപ്യൂട്ടി സൂപ്രണ്ട് മോഹിന്ദര്‍ സിങ് വ്യക്തമാക്കി. ജൂണ്‍ 22നാണ് ഡല്‍ഹി- മധുര ട്രെയിനില്‍ വെച്ച് ജുനൈദ് കൊല്ലപ്പെട്ടത്. ജുനൈദിന്റെ കൂടെയുണ്ടായിരുന്ന രണ്ട് സഹോദരന്മാര്‍ക്കും ആക്രമത്തില്‍ പരിക്കേറ്റു.

അഞ്ച് പേരെയാണ് ഇതുവരെ പൊലീസ് അറസ്റ്റ് ചെയ്തത്. ജുനൈദിനെയും സഹോദരങ്ങളെയും മര്‍ദ്ദിച്ചെങ്കിലും തങ്ങളല്ല കത്തി ഉപയോഗിച്ച് കുത്തിയതെന്നാണ് ഇവരുടെ വാദം. ജുനൈദിന്റെ വസ്ത്രത്തില്‍ കണ്ട രക്തക്കറയുടെ സാമ്പിള്‍ ഡിഎന്‍എ പരിശോധനയ്ക്ക് അയച്ചിട്ടുണ്ട്. പരിശോധനാഫലം അക്രമിയെ കുറിച്ചുള്ള സൂചന നല്‍കുമെന്നാണ് പൊലീസിന്റെ പ്രതീക്ഷ. അഞ്ചടി പൊക്കം, ഒത്ത ശരീരം, ക്ലീന്‍ ഷേവ് എന്നിങ്ങനെ ജുനൈദിന്റെ സഹോദരങ്ങള്‍ നല്‍കിയ വിവരങ്ങളുടെ അടിസ്ഥാനത്തില്‍ പൊലീസ് അക്രമിയുടെ രേഖാചിത്രം തയ്യാറാക്കും.

രാജ്യത്തിന്റെ വിവിധ ഭാഗങ്ങളില്‍ ഒരേസമയം നടന്ന പ്രക്ഷോഭമായിട്ടും മുന്‍നിര ചാനലുകളും മാധ്യമങ്ങളുമെല്ലാം ഇതിനെ അവഗണിക്കുകയാണുണ്ടായത്. NDTV പോലുള്ള ചുരുക്കം ചില മാധ്യമങ്ങളേ ഈ പ്രക്ഷോഭത്തിന് അര്‍ഹിച്ച പരിഗണന നല്‍കിയുള്ളൂ.

ഡല്‍ഹി ജന്തര്‍ മന്തറില്‍ നിന്ന്‌

ഡല്‍ഹിയിലെ ജന്തര്‍ മന്തറില്‍ നടന്ന പ്രക്ഷോഭത്തില്‍ പൊതുപ്രവര്‍ത്തകരും എഴുത്തുകാരും മാധ്യമ പ്രവര്‍ത്തകരുമടക്കം ആയിരക്കണക്കിനാളുകളാണ് സംബന്ധിച്ചത്. Not in my name, Stop Cow Terrorism തുടങ്ങിയ പ്ലക്കാര്‍ഡുകളുയര്‍ത്തിയും പാട്ടുപാടിയും മുദ്രാവാക്യം വിളിച്ചും പ്രതിഷേധക്കാര്‍ ജന്തര്‍ മന്തറിനെ ശബ്ദമുഖരിതമാക്കി.

#NotInMyName : Youngsters in Chandigarh brave the rains, say ‘if not now, then when?’ @HTPunjab @htTweets pic.twitter.com/dGciYBs5zR

— Aneesha Bedi (@AneeshaBedi) June 28, 2017

മുംബൈയില്‍ നടന്ന പ്രക്ഷോഭം

ചണ്ഡിഗഡില്‍ നടന്ന പ്രക്ഷോഭം

കനത്ത മഴയെ അവഗണിച്ചാണ് ചണ്ഡിഗഡിലും ജയ്പൂരിലും പ്രതിഷേധക്കാര്‍ എത്തിയത്. ചലച്ചിത്ര രംഗത്തെ സെലിബ്രിറ്റികളും പൊതുപ്രവര്‍ത്തകരുമടക്കമുള്ളവരുടെ സാന്നിധ്യം മുംബൈയിലെ പ്രക്ഷോഭത്തെ ശ്രദ്ധേയമാക്കി.

ബെംഗളുരുവില്‍ നിന്ന്‌

ഹൈദരാബാദിലെ പ്രതിഷേധം വനിതകളുടെ പങ്കാളിത്തം കൊണ്ട് ശ്രദ്ധേയമായി. അഹമ്മദാബാദ്, ചെന്നൈ, ഹൈദരാബാദ്, ജയ്പൂര്‍, കൊച്ചി തുടങ്ങി രാജ്യത്തിന്റെ വിവിധ ഭാഗങ്ങളിലും ലണ്ടന്‍, കറാച്ചി തുടങ്ങി രാജ്യത്തിന്റെ പുറത്തും പ്രക്ഷോഭം അരങ്ങേറി.

Related: ഈ ക്രൂരതകള്‍ എന്റെ പേരിലല്ല; ബീഫ് കൊലപാതകങ്ങള്‍ക്കെതിരെ #NotInMyName സോഷ്യല്‍ മീഡിയയില്‍ തരംഗം