ആൻഫീൽഡിലെ ഗോൾമഴ പെയ്ത മത്സരത്തിൽ സൂപ്പർ താരം മുഹമ്മദ് സലാഹിന്റെ ഹാട്രിക്കാണ് ലിവർപൂളിന് ജയമൊരുക്കിയത്. മൂന്നുതവണ പിന്നിൽ നിന്ന ശേഷം തിരിച്ചുവന്ന ലീഡ്‌സ് യുർഗൻ ക്ലോപ്പിന്റെ സംഘത്തെ 3-3 ൽ പിടിച്ചുകെട്ടുമെന്ന് തോന്നിച്ചെങ്കിലും 88-ാം മിനുട്ടിൽ പെനാൽട്ടി വഴങ്ങിയതോടെയാണ് കളി കൈവിട്ടത്.

നാലാം മിനുട്ടിൽ പെനാൽട്ടിയിലൂടെ സലാഹ് ടീമിനെ മുന്നിലെത്തിച്ചപ്പോൾ 12-ാം മിനുട്ടിൽ ഹാരിസൺ ലീഡ്‌സിനെ ഒപ്പമെത്തിച്ചു. 20-ാം മിനുട്ടിൽ വിർജിൽ വാൻഡൈക്ക് ലിവർപൂളിന് വീണ്ടും ലീഡ് നൽകി. എന്നാൽ, പത്ത് മിനുട്ടിനു ശേഷം ബാംഫോർഡ് സമനില ഗോൾ കണ്ടെത്തി. 33-ാം മിനുട്ടിൽ സലാഹ് വീണ്ടും ഗോളടിച്ചെങ്കിലും ഇടവേള കഴിഞ്ഞെത്തിയ ശേഷം സന്ദർശകർ മാത്യൂസ് ക്ലിക്കിലൂടെ വീണ്ടും ഒപ്പമെത്തി. അവസാന നിമിഷം വീണുകിട്ടിയ പെനാൽട്ടി ലക്ഷ്യത്തിലെത്തിച്ചാണ് സലാഹ് ഹാട്രിക് തികച്ചതും ടീമിനെ വിജയത്തിലെത്തിച്ചതും. പ്രീമിയർ ലീഗ് ഉദ്ഘാടന മത്സരത്തില്‍ ഹാട്രിക് നേടുന്ന ആദ്യതാരമായി ഇതോടെ സലാഹ്.

അലക്‌സാണ്ടർ ലാകസെറ്റ്, ഗബ്രിയേൽ മഗല്ലേസ്, പിയറി ഒബാമിയാങ് എന്നിവരുടെ ഗോളിലാണ് ആർസനൽ ഫുൾഹാമിനെ തകർത്തത്. സതാംപ്ടണനെതിരെ വിൽഫ്രഡ് സാഹ ക്രിസ്റ്റൽ പാലസിന്റെ ഏകഗോൾ നേടി. ഇന്ന് പ്രീമിയർ ലീഗിൽ ലെസ്റ്റർ സിറ്റി വെസ്റ്റ്‌ബ്രോംവിച്ചിനെയും ടോട്ടനം ഹോട്‌സ്പർ എവർട്ടനെയും നേരിടും.

അതേസമയം സംഭവത്തില്‍ മാധ്യമങ്ങള്‍ക്കും ആരാധകര്‍ക്കുമെതിരെ രൂക്ഷ പ്രതികരണവുമായി താരം തന്നെ രംഗത്തെത്തി. ഈദ് നമസ്‌ക്കാരത്തില്‍ പങ്കെടുക്കാന്‍ അനുവദിവച്ചില്ല എന്നാരോപിച്ചാണ് സലാഹ് ട്വിറ്ററിലൂടെ മാധ്യമങ്ങള്‍ക്കും ആരാധകര്‍ക്കും എതിരെ രംഗത്തെത്തിയത്.

اللي بيحصل من بعض الصحفيين وبعض الناس أن الواحد مش عارف يخرج من البيت علشان يصلي العيد. دا ملوش علاقة بالحب. دا بيتقال عليه عدم احترام خصوصية وعدم احترافية.

— Mohamed Salah (@MoSalah) June 5, 2019

ചില ആരാധകരും മാധ്യമപ്രവര്‍ത്തകരും ഈദ് നമസ്‌ക്കാരത്തിന് വേണ്ടി പോവാന്‍ വീടിന് പുറത്തിറങ്ങാന്‍ അനുവദിച്ചില്ല എന്നാണ് സലായുടെ ആരോപണം. ഈ നടപടി സ്വകാര്യതയെ ബഹുമാനിക്കാതിരിക്കലും പ്രൊഫഷണലിസമില്ലായ്മയും മാത്രമാണെന്നും സലാ ആരോപിച്ചു.

സലാഗാര്‍ബിയയിലെ നാഗ്രിഗ് ഗ്രാമത്തിലെ സലായുടെ വീടിന് മുമ്പിലാണ് ആരാധകരും മാധ്യമപ്രവര്‍ത്തകരും തടിച്ച് കൂടിയത്. ഈദ് ആഘോഷത്തിനായി ജന്മനാടായ ഈജിപ്തിലേക്ക് ബുധനാഴ്ചയാണ് മുഹമ്മദ് സലാ എത്തിയത്. ഈദ് നമസ്‌ക്കാരം നിര്‍വഹിക്കുന്നതിന് വേണ്ടി പുറത്തിറങ്ങള്‍ ബുദ്ധിമുട്ടിലായതോടെ പ്രാദേശിക പൊലീസിന്റെ സഹായം തേടിയെങ്കിലും വിജയിച്ചില്ല. തുടര്‍ന്ന് ഭാര്യയും മകളും ഉമ്മയും നമസ്‌ക്കാരത്തിന് വേണ്ടി പുറത്ത് പോവുകയും സലാഹ് വീട്ടില്‍ തന്നെ പെടുകയുമായിരുന്നു.

‘എന്റെ കളിക്കാർ നോമ്പെടുക്കുന്നതിൽ എനിക്കൊരു പ്രശ്‌നവുമില്ല. അവരുടെ മതത്തെ ഞാൻ ബഹുമാനിക്കുന്നു. നോമ്പെടുത്താണെങ്കിലും അല്ലെങ്കിലും ഏറ്റവും മികച്ച പ്രകടനം തന്നെയാണ് അവർ കാഴ്ചവെക്കാറുള്ളത്.’ – ഫൈനൽ മത്സരത്തിനു മുന്നോടിയായുള്ള പത്രസമ്മേളനത്തിൽ ക്ലോപ്പ് പറഞ്ഞു.

‘നമസ്‌കാരം കഴിഞ്ഞ് സലാഹും മാനെയും ഡ്രസ്സിങ് റൂമിൽ വൈകിയെത്തുന്ന ദിവസങ്ങൾ ഉണ്ടാകാറുണ്ട്. ഈ ജീവിതത്തിൽ ഫുട്‌ബോളിനേക്കാൾ പ്രധാനമായ മറ്റു കാര്യങ്ങളുമുണ്ട്’ കോച്ച് കൂട്ടിച്ചേർത്തു.

അത്‌ലറ്റികോ മാഡ്രിഡിന്റെ ഹോം ഗ്രൗണ്ടായ വാൻഡ മെട്രോപൊളിറ്റാനോയിലാണ് നാളെ ചാമ്പ്യൻസ് ലീഗ് ഫൈനൽ അരങ്ങേറുന്നത്. ഇന്ത്യൻ സമയം രാത്രി 12.30 നാണ് കിക്കോഫ്. സ്‌പെയിനിൽ രാത്രി 9.00 മണിയാണിത്. 9.37 നാണ് സൂര്യാസ്തമയം എന്നതിനാൽ, നോമ്പെടുക്കുന്നുണ്ടെങ്കിൽ സലാഹും മാനെയും ഭക്ഷണം കഴിക്കാതെ തന്നെ കളി തുടങ്ങേണ്ടി വരും.

ചാമ്പ്യൻസ് ലീഗ് സെമിഫൈനലിൽ ടോട്ടനം ഹോട്‌സ്പറിനെ നേരിടുമ്പോൾ അയാക്‌സ് ടീമിലെ ഹകീം സിയെക്ക്, നുസൈർ മസ്രോയ് എന്നിവർ നോമ്പെടുത്താണ് കളി തുടങ്ങിയത്. സൂര്യാസ്തമയ സമയം ആയപ്പോൾ ഇരുവരും ടച്ച്‌ലൈനിലെത്തി എനർജി ജെൽ കഴിച്ച് നോമ്പ് മുറിക്കുകയായിരുന്നു. മത്സരത്തിൽ സിയെക്ക് ഒരു ഗോളും നേടിയിരുന്നു.

ഒന്‍പതാം മിനിറ്റിൽ ഷെയ്ൻ ലോങിന്‍റെ ഗോളിലൂടെ സതാംപ്റ്റനാണ് ആദ്യം മുന്നിൽ എത്തിയത്.

എന്നാല്‍ മുപ്പത്താറാം മിനുട്ടില്‍ ഗോള്‍ മടക്കി ലിവര്‍പൂള്‍ സമനില പിടിച്ചു. വാശിയേറിയ മത്സരത്തില്‍ പിന്നീടൊരിക്കലും ഗോള്‍ വഴങ്ങാതിരുന്ന ലിവര്‍പൂര്‍, തുടര്‍ച്ചയായ രണ്ട് ഗോളുകള്‍ കൂടി നേടിയതോടെ ജയവും പിടിച്ചടക്കി. 80-ാം മിനിട്ടിൽ മുഹമ്മദ് സലാ മിന്നും സോളോ നേടിയത്.

86-ാം മിനിട്ടിൽ ഹെൻഡേഴ്സണും ലക്ഷ്യം കണ്ടതോടെ ലിവർപൂൾ വീണ്ടും പോയിന്‍റ് പട്ടികയിൽ മുന്നിലെത്തി. 32 കളികളിൽ നിന്ന് 82 പോയിന്‍റാണ് ലിവർപൂളിനുള്ളത്. രണ്ട് പോയിന്റ് പിന്നിൽ രണ്ടാം സ്ഥാനത്തുള്ള മാഞ്ചസ്റ്റ‍ർ സിറ്റിക്ക് ലീഗിൽ ഒരു കളി കൂടി ബാക്കിയുണ്ട്.

പ്രമുഖ ഫ്രഞ്ച് ഫുട്‌ബോള്‍ മാഗസിനായ ഫ്രാന്‍സ് ഫുട്‌ബോളാണ് ബാലന്‍ ഡിഓര്‍ താരത്തെ തെരഞ്ഞെടുക്കുന്നത്. മാധ്യമ പ്രവര്‍ത്തകരുടേയും ഫുട്‌ബോള്‍ വിദഗ്ധരുടേയും വോട്ടെടുപ്പിലൂടെയാണ് തെരഞ്ഞെടുപ്പ്. ഇതിന് മുന്നാടിയായി കഴിഞ്ഞ ദിവസം നടത്തിയ ആരാധകരുടെ വോട്ടെടുപ്പിന്റെ ഫലമാണ് അധികൃതരേയും ഫുട്‌ബോള്‍ ആരാധകരേയും ഒരുപോലെ ഞെട്ടിച്ചിരിക്കുന്നത്.

ബാലന്‍ ഡി ഓര്‍ പുരസ്‌കാരത്തിനുള്ള 30 അംഗ താരങ്ങളുടെ പട്ടിക പുറത്തിറക്കിയ ശേഷമാണ് ഫാന്‍ വോട്ട് നടന്നത്. ഫുട്‌ബോള്‍ ആരാധകരുടെ 79 ശതമാനം വോട്ടുകളും ബാര്‍സയുടെ ലയണല്‍ മെസിയും ലിവര്‍പൂളിന്റെ മുഹമ്മദ് സലാഹും പങ്കിടുകയായിരുന്നു. ഇതില്‍ 31 ശതമാനം വോട്ട് ഈജിപ്ത് താരത്തിന് കിട്ടിയപ്പോള്‍ 48 ശതമാനം വോട്ട് സ്വന്തമാക്കി അര്‍ജന്റീനാ നായകന്‍ മൃഗീയ ഭൂരിപക്ഷത്തോടെ ഒന്നാം സ്ഥാനം സ്വന്തമാക്കി. ഏഴ് ലക്ഷത്തില്‍ കൂടുതല്‍ ആളുകള്‍ വോട്ട് രേഖപ്പെടുത്തിയ തെരഞ്ഞടുപ്പില്‍ പട്ടികയിലെ മറ്റു 28 താരങ്ങള്‍ക്ക് പേരിനുപോലും പിന്തുണ ലഭിക്കാതായതോടെയാണ് ബാലന്‍ ഡി ഓറിനായുള്ള ഫാന്‍ വോട്ട് സംവിധാനം അധികൃതര്‍ ഒഴിവാക്കിയത്.

കഴിഞ്ഞ രണ്ടുവര്‍ഷവും പുരസ്‌കാരം നേടിയ ക്രിസ്റ്റ്യാനോ റൊണാള്‍ഡോക്ക് തെരഞ്ഞെടുപ്പില്‍ വെറും എട്ട് ശതമാനം ആരാധക വോട്ടാണ് നേടാനായത്. ഫിഫാ ലോക താരം ലൂക്കാ മോഡ്രിച്ചിനും 2018 ലോകകപ്പ് യുവതാരം കിലിയന്‍ എംബാപ്പേക്കും ബ്രസീല്‍ സൂപ്പര്‍ താരം നെയ്മറിനും രണ്ട് ശതമാനം വോട്ടുകള്‍ മാത്രമാണ് നേടാനായത്.

ഇത്തവണ ആറ് ഘട്ടങ്ങളായാണ് 30 അംഗ പട്ടിക പ്രസിദ്ധീകരിച്ചത്. 1956ല്‍ തുടങ്ങിയ ബാലന്‍ ഡി ഓര്‍ അവസാന പത്തുവര്‍ഷം മെസിയോ റൊണള്‍ഡോയോ മാത്രമേ നേടിയിട്ടുള്ളു. ഇരുവരും അഞ്ചുതവണ വീതം പുരസ്‌കാരം സ്വന്തമാക്കി. 2016ലും 17ലും റൊണാള്‍ഡോയ്ക്കായിരുന്നു പുരസ്‌കാരം. യുവേഫ ചാംപ്യന്‍സ് ലീഗ് കിരീടം നേടിയ റയല്‍ മാഡ്രിഡിന്റെ എട്ട് താരങ്ങള്‍ പട്ടികയിലുണ്ട്. പ്രീമിയര്‍ ലീഗില്‍ നിന്ന് പതിനൊന്ന് താരങ്ങള്‍ ഇടംപിടിച്ചു.

Here is the completed 30-man list of the Ballon d’Or nominees. pic.twitter.com/jHe80rpqRP

— Soccer Laduma (@Soccer_Laduma) October 8, 2018

നിലവിലെ പുരസ്‌കാര ജേതാവ് ക്രിസ്റ്റ്യാനോ റൊണാള്‍ഡോ, ലിയോണല്‍ മെസി, ലൂക്ക മോഡ്രിച്ച്, മുഹമ്മദ് സലാ, ഈഡന്‍ ഹസാര്‍ഡ്, ഹാരി കെയ്ന്‍, എന്‍ഗോളോ കാന്റേ, കിലിയന്‍ എംബാപ്പേ, നെയ്മര്‍ ജൂനിയര്‍, അന്റോയ്ന്‍ ഗ്രീസ്മാന്‍, ഗാരെത് ബെയ്ല്‍, കെവിന്‍ ഡിബ്രൂയിന്‍, മാര്‍സലോ, പോള്‍ പോഗ്ബ, ലൂയിസ് സുവാരസ്, ഇവാന്‍ റാക്കിറ്റിച്ച്, തുടങ്ങിയവരൊക്കെയാണ് പട്ടികയിലുള്ളത്.

ഡിസംബര്‍ മൂന്നിന് പാരീസിലാണ് ബാലന്‍ ഡിഓര്‍ ജേതാവിനെ പ്രഖ്യാപിക്കുക. ചരിത്രത്തില്‍ ആദ്യമായി ഇത്തവണ മികച്ച വനിതാ താരത്തിനും ബാലന്‍ ഡി ഓര്‍ നല്‍കുന്നുണ്ട്.

ഇന്നത്തെ ആറ് അങ്കങ്ങളില്‍ നമ്പര്‍ വണ്‍ ആന്‍ഫീല്‍ഡില്‍ നടക്കുന്ന ലിവര്‍പൂള്‍-പി.എസ്.ജി പോരാട്ടം തന്നെ. മുഹമ്മദ് സലാഹും സാദിയോ മാനേയും ഫിര്‍മിനോയുമെല്ലാം കളിക്കുന്ന, നിലവില്‍ ഇംഗ്ലീഷ് പ്രീമിയര്‍ ലീഗില്‍ അപരാജിതരായി നില്‍ക്കുന്ന ചുവപ്പന്‍ പടക്ക്് മുന്നിലേക്ക് വരുന്നത് നെയ്മറും കൈലിയന്‍ എംബാപ്പേയും എയ്ഞ്ചലോ ഡി മരിയയും എഡ്ഗാര്‍ കവാനിയും ജിയാന്‍ ലുക്കാ ബഫണുമെല്ലാം അണിനിരക്കുന്ന പി.എസ്.ജി എന്ന ഫ്രഞ്ച് പ്രബലര്‍. ഇന്ത്യന്‍ സമയം ഇന്ന് രാത്രി വൈകി 12:30 നാണ് മത്സരം.

ലയണല്‍ മെസിയുടെ ബാര്‍സിലോണ സ്വന്തം മൈതാനത്ത് ഡച്ചുകാരായ പി.എസ്.വിയെ എതിരിടുമ്പോള്‍ മിലാനില്‍ നടക്കുന്ന ഇന്റര്‍ മിലാന്‍-ടോട്ടനം പോരാട്ടത്തിലും തീപ്പാറും. ഇന്ത്യന്‍ സമയം ഇന്ന് രാത്രി 10:25നാണ് മത്സരം.

അന്റേണിയോ ഗ്രിസ്മാന്റെ അത്‌ലറ്റികോ മാഡ്രിഡ് ഫ്രഞ്ച് ക്ലബായ മൊണോക്കോയുമായി കളിക്കുന്നത് വ്യക്തമായ വിജയ പ്രതീക്ഷയിലാണെങ്കില്‍ പോര്‍ച്ചുഗലുകാരായ എഫ്.സി പോര്‍ട്ടോ ജര്‍മനിയിലേക്ക് വരുന്നത് ഷാല്‍ക്കെയെ എതിരിടാനാണ്.

പി.എസ്.ജിക്ക് വ്യക്തമായ ലക്ഷ്യമുണ്ട്-യൂറോപ്പിലെ ചാമ്പ്യന്മാരാവണം. ക്ലബിന്റെ ഖത്തര്‍ തലവന്‍ നാസര്‍ അല്‍ ഖിലാഫി സീസണിന്റെ തുടക്കത്തില്‍ തന്നെ താരങ്ങളെ അഭിസംബോധന ചെയ്തപ്പോള്‍ ഈ കാര്യം പറഞ്ഞിരുന്നു. ഫ്രാന്‍സില്‍ കാര്യമായ വെല്ലുവിളിയില്ല. വന്‍കരയിലാണ് പ്രയാസങ്ങള്‍. അത് പരിഹരിച്ച് വന്‍കരയിലെ ചാമ്പ്യന്മാരാവണം. നെയ്മറും കൈലിയന്‍ എംബാപ്പേയും എഡ്ഗാര്‍ കവാനിയും എയ്ഞ്ചലോ ഡി മരിയയും ഉള്‍പ്പെടെ ലോകത്തിലെ ഒന്നാം നിരക്കാരെല്ലാം ഒന്നിച്ചണിനിരക്കുമ്പോള്‍ അത് കഴിയുമെന്ന് തന്നെയാണ് എല്ലാവരും കരുതുന്നത്. പക്ഷേ കഴിഞ്ഞ സീസണില്‍ ഇതേ ടീം തന്നെയാണ് കളിച്ചത്. റയല്‍ മാഡ്രിഡിനോട് തകര്‍ന്ന് പുറത്താവുകയും ചെയ്തു. ഇത്തവണ അത് പാടില്ലെന്നാണ് ടീമിന്റെ ജര്‍മന്‍ കോച്ച് തോമസ് തുഷേല്‍ ആവശ്യപ്പെടുന്നത്.

നല്ല ഒരുക്കത്തിലാണ് ടീമിന്റെ ലണ്ടന്‍ വരവ്. പോയ വാരത്തില്‍ നടന്ന ഫ്രഞ്ച് ലീഗില്‍ പി.എസ്.ജി സെന്റ് എത്തീനെ എതിരിട്ടപ്പോള്‍ നെയ്മര്‍ക്കും എംബാപ്പേക്കുമെല്ലാം കോച്ച്് വിശ്രമം നല്‍കിയത് ചാമ്പ്യന്‍സ് ലീഗിലെ തുടക്ക മല്‍സരം മനസ്സില്‍ കണ്ടാണ്. പി.എസ്.ജിയുടെ ഗോള്‍വലയം കാക്കുന്നതാവട്ടെ അനുഭവസമ്പന്നനായ ബഫണാണ്.

ആന്റഫീല്‍ഡ് ലിവര്‍പൂളിന്റെ സ്വന്തം മൈതാനമാണ്. അവിടെ അവരെ തോല്‍പ്പിക്കുക എന്നത് എളുപ്പമുള്ള കാര്യവുമല്ല. യൂറോപ്പിലെ ചാമ്പ്യന്‍പ്പട്ടം പോയ സീസണില്‍ തലനാരിഴക്ക് നഷ്ടപ്പെട്ടവരാണ് ജുര്‍ഗന്‍ ക്ലോപ്പിന്റെ സംഘം. ഫൈനല്‍ മല്‍സരത്തില്‍ റയലിനോടായിരുന്നു ലിവറിന്റെ തോല്‍വി. ഇത്തവണ പക്ഷേ അതെല്ലാം മറന്ന് ഗംഭീരമായി തന്നെ ചാമ്പ്യന്‍ഷിപ്പില്‍ അരങ്ങേറുകയാണ് ടീമിന്റെ ലക്ഷ്യം.

ബാര്‍സയും ഇത്തവണ യൂറോപ്പ് സ്വപ്‌നം കാണുന്നുണ്ട്. കഴിഞ്ഞ സീസണില്‍ പല കിരീടങ്ങളും സ്വന്തമാക്കി ലയണല്‍ മെസിയുടെ ടീം. പക്ഷേ ചാമ്പ്യന്‍സ് ലീഗ് മാത്രം കിട്ടിയില്ല. ക്വാര്‍ട്ടറിലെ ദയനീയ തോല്‍വി മറന്നാണ് മെസിയുടെ സംഘം പി.എസ്.വിയുമായി നുവോ കാമ്പില്‍ കളിക്കുന്നത്. ലാലീഗയില്‍ തകര്‍പ്പന്‍ ഫോമിലാണിപ്പോള്‍ നായകനായ മെസി. പ്രീമിയര്‍ ലീഗില്‍ കഴിഞ്ഞ ദിവസം ലിവര്‍പൂളിനോടേറ്റ തോല്‍വിക്ക് പിറകെയാണ് ടോട്ടനം എവേ മല്‍സരത്തില്‍ ഇന്ററുമായി കളിക്കുന്നത്. മല്‍സരങ്ങള്‍ ടെന്‍ സ്‌പോര്‍ട്‌സ് 2ല്‍ ഇന്ത്യന്‍ സമയം ഇന്ന് രാത്രി രാത്രി 10-30 മുതല്‍.

നിലവിലെ പുരസ്‌കാര ജേതാവായ ക്രിസ്റ്റിയാനോ റൊണാള്‍ഡോ റയല്‍ മാഡ്രിഡിന്
തുടര്‍ച്ചയായ മൂന്നാംവട്ടവും ചാമ്പ്യന്‍സ് ലീഗ് നേടികൊടുത്തതാണ് അവസാന മൂന്നില്‍ ഇടം നേടാന്‍ കാരണം.കഴിഞ്ഞ സീസണില്‍ ചാമ്പ്യന്‍സ് ലീഗില്‍ 15 ഗോളുകളാണ് റൊണാള്‍ഡോ അടിച്ചുകൂട്ടിയത്. റൊണാള്‍ഡോ തന്നെയാണ് ടൂര്‍ണ്ണമെന്റിലെ ടോപ് സ്‌കോറര്‍. നടപ്പു സീസണിന്റെ തുടക്കത്തില്‍ റയല്‍ മാഡ്രിഡ് നിന്ന് ഇറ്റാലിയന്‍ ക്ലബായ യുവന്റസിലേക്ക് ചേക്കേറിയിരുന്നു ക്രിസ്റ്റ്യനോ.

ലിവര്‍പൂളിനായി അരങ്ങേറ്റ സീസണില്‍ തന്നെ ഗംഭീര പ്രകടനം പുറത്തെടുത്താണ് ഈജിപ്ഷ്യന്‍ താരം മുഹമ്മദ് സലാഹിന് നേട്ടമായത്. ചാമ്പ്യന്‍സ് ലീഗില്‍ പത്തു ഗോള്‍ നേടിയ താരം 44 ഗോളുകളാണ് കഴിഞ്ഞ സീസണില്‍ ലിവര്‍പൂളിനായി നേടിയത്. ടീമിനെ ചാമ്പ്യന്‍സ് ലീഗ് ഫൈനല്‍ വരെ എത്തിച്ചെങ്കിലും റയല്‍ മാഡ്രിഡ് നായകന്‍ സെര്‍ജിയോ റാമോസിന്റെ ഗുരുതരമായ ഫൗളില്‍ ഫൈനലിന്റെ ആദ്യപകുതിയില്‍ തന്നെ സലാഹിന് കളംവിടേണ്ടി വന്നിരുന്നു. അവസാന മൂന്നില്‍ ഇടം നേടിയതോടെ രണ്ടു റെക്കോര്‍ഡാണ് സലാഹിന് ലഭിച്ചത്. ഇംഗ്ലീഷ് പ്രീമിയര്‍ ലീഗില്‍ നിന്നും അവസാന മുന്നില്‍ എത്തുന്ന ആദ്യതാരം. അവസാന മൂന്നില്‍ എത്തുന്ന ആദ്യ ആഫ്രിക്കന്‍ താരം എന്നി ഖ്യാതിയാണ് സലാഹ് സ്വന്തമാക്കിയത്. 2010-11 സീസണ്‍ മുതലാണ് യുവേഫ പ്ലെയര്‍ ഓഫ് ദി ഇയര്‍ പുരസ്‌കാരം യുവേഫ ആരംഭിച്ചത്.

റയല്‍ മാഡ്രിഡിനെ ചാമ്പ്യന്‍സ് ലീഗ് ജേതാക്കളാക്കിയതും കൊയേഷ്യയെ ലോകകപ്പ് ഫൈനലില്‍ എത്തിച്ചതുമാണ് ലൂക്കാ മോഡ്രിച്ചിനെ പുരസ്‌കാരത്തിന് പരിഗണിക്കാന്‍ കാരണം. റഷ്യന്‍ ലോകകപ്പില്‍ ഏറ്റവും മികച്ച താരത്തിനുള്ള ഗോള്‍ഡന്‍ബോള്‍ മോഡ്രിച്ച് സ്വന്തമാക്കിയിരുന്നു.

സ്പാനിഷ് ലീഗ്, കോപ്പ ഡെല്‍ റേ എന്നി കിരീടങ്ങള്‍ ബാര്‍സക്കായ് നേടിയെങ്കിലും മെസ്സിക്ക് അവസാന മൂന്നില്‍ ഇടംനേടാനായില്ല. ലോകകപ്പിലും ചാമ്പ്യന്‍സ് ലീഗിലും വേണ്ടത്ര പ്രകടനം പുറത്തെടുക്കാന്‍ ആവാത്തതാണ് രണ്ടുവര്‍ഷം യുവേഫ പ്ലെയര്‍ ഓഫ് ദി ഇയര്‍ തെരഞ്ഞെടുക്കപ്പെട്ട മെസ്സിക്ക് തിരിച്ചടിയായത്. പി.എസ്.ജിയുടെ ഫ്രഞ്ച് താരം എംബാപെ, മാഞ്ചസ്റ്റര്‍ സിറ്റിയുടെ കെവിന്‍ ഡി ബ്രൂണെ എന്നിവരാണ് അന്തിമപ്പട്ടികയില്‍ അവസരം ലഭിക്കാത്ത മറ്റു പ്രമുഖതാരങ്ങള്‍. ആഗസ്ത് 30ന് വിജയിയെ പ്രഖ്യാപിക്കും

47, 53 മിനുട്ടുകളിലായിരുന്നു സെനഗല്‍ താരം മാനെയുടെ ഗോളുകള്‍. 87-ാം മിനുട്ടില്‍ സലായ്ക്ക് പകരക്കാരനായി എത്തിയ സ്റ്ററിഡിജ് ലിവര്‍പൂളിന്റെ ഗോള്‍ പട്ടിക പൂര്‍ത്തിയാക്കി. ലിവര്‍പൂളിന്റെ പുതിയ താരങ്ങളായ ബ്രസീല്‍ ഗോള്‍കീപ്പര്‍ ആലിസണ്‍, സ്വിസ്സ് താരം ഹെര്‍ദാന്‍ ഷാഖിരി എന്നിവരും മത്സരത്തിനിറങ്ങി. സാദിയോ മാനെയെ പിന്‍ വലിച്ചാണ് കോച്ച് ക്ലോപ്പ് ഷാഖിരിയെ ഇറക്കിയത്. അതേസമയം പരിക്കിന്റെ പിടിയിലായ ഫാബിഞ്ഞോ കളിച്ചില്ല.

കഴിഞ്ഞദിവസം ആദ്യ മത്സരത്തില്‍ മുന്‍ചാമ്പ്യന്‍മാരായ ചെല്‍സി ഹഡര്‍ഫീല്‍ഡ് ടൗണിനേയും മാഞ്ചസ്റ്റര്‍ യുണൈഡ് ലെസിസ്റ്ററിനേയും തോല്‍പ്പിച്ചിരുന്നു.

സ്വന്തം വസതിയിലേക്കുള്ള ആരാധകരുടെ കുത്തൊഴുക്ക് കാരണം സാല ഇപ്പോള്‍ പെട്ടിരിക്കുകയാണ്. എന്നാല്‍ തന്നെ കാണാന്‍ എത്തിയ ആരാധാകരെ പിണക്കാതെയാണ് സാല മടക്കിയത്. തന്റെ വീടിനു പുറത്തിറങ്ങിയ സാല ആരാധകര്‍ക്കൊപ്പം സമയം ചെലവഴിച്ചു. ആരാധകര്‍ക്കൊപ്പം സെല്‍ഫിയെടുക്കാനും അവര്‍ നല്‍കിയ സമ്മാനങ്ങള്‍ സ്വീകരിക്കാനും താരം തയ്യാറായി.

അതിനിടെ ബി.ബി.സി പത്രപ്രവര്‍ത്തക ഷൈമാ ഖലീല്‍ സലാ ആരാധകര്‍ക്ക് ഓട്ടോഗ്രാഫ് നല്‍കുന്ന ചിത്രങ്ങള്‍ ട്വിറ്ററില്‍ പങ്കുവെച്ചു

Crowds gather outside @MoSalah’s home in #Egypt after his address was leaked on Facebook . So what does he do? He comes out to greet people and sign autographs…
We are not worthy of #MoSalah pic.twitter.com/85tlob2bDB

— shaimaa khalil BBC (@Shaimaakhalil) June 29, 2018

എന്നാല്‍ ഇത് ഗതാഗത കുരുക്ക് അടക്കം കൂടതല്‍ പ്രശ്‌നങ്ങള്‍ ഉണ്ടാകാന്‍ കാരണമായി. തുടര്‍ന്ന താരത്തിന്റെ വീടിന് മുമ്പില്‍ തടിച്ചുകൂടിയ ആരാധകരെ ഒഴിവാക്കാന്‍ പൊലീസിന് ഇടപെടേണ്ടിയും വന്നു.

മൂന്ന് മത്സരങ്ങളില്‍ പരാജയപ്പെട്ട ഈജിപ്ത് ലോകകപ്പില്‍ നിന്ന് പുറത്തായതിനെ തുടര്‍ന്ന് ചൊവ്വാഴ്ചയാണ് റഷ്യയില്‍ സലാ നാട്ടിലെത്തിയത്. ഗ്രൂപ്പ് ഘട്ടത്തിലെ മൂന്ന് മത്സരങ്ങളും തോറ്റ് ഈജിപ്തിന് ഗ്രൂപ്പ് എയില്‍ അവസാന സ്ഥാനമാണ്. പരിക്കിനെ തുടര്‍ന്ന് സലാ രണ്ട് മത്സരങ്ങള്‍ മാത്രമേ കളിച്ചിരിന്നുള്ളു. ലിവര്‍പൂളിന്റെ പ്രീ-സീസണ്‍ പരിശീലനത്തിനായി മെല്‍വുഡില്‍ തിരിച്ചെത്തുന്നതിന് മുമ്പ് മൂന്ന് ആഴ്ച വിശ്രമമാണ് സലാക്കുള്ളത്.

ഈജിപ്തില്‍ എത്തിയ സലാ നിസ്‌കരിക്കാനായി ഒരു പള്ളിയില്‍ കയറിയത് കണ്ട ആരാധകര്‍ അവിടെ നിന്നും വീട്ടിലെത്തുന്നത് വരെ പിന്തുടരുകയുമായിരുന്നു. തുടര്‍ന്ന് സലാ താമസിക്കുന്ന സ്ഥലത്തിന്റെ ചിത്രവും വിലാസവും അവര്‍ സോഷ്യല്‍ മീഡിയയില്‍ പങ്കുവെക്കുയായിരുന്നു.

സമൂഹമാധ്യമങ്ങള്‍ വഴി സലാഹിന്റെ വസതിയേക്കുറിച്ചുള്ള വിവരങ്ങള്‍ വൈറലായതൊടെ സൂപ്പര്‍ താരത്തെ കാണാന്‍ ആരാധകരുടെ കുത്തൊഴുക്കായി.

Mohamed Salah’s address in Egypt is leaked on social media

So what does he do?

He comes out to meet the people & sign autographs pic.twitter.com/cuao3et6Jq

— 101 Great Goals (@101greatgoals) June 29, 2018

ആരാധകരുടെ തിക്കിത്തിരക്കിലും സൂപ്പര്‍ താരത്തിന്റെ എളിമ നിറഞ്ഞ മനസ് ഈജിപ്തില്‍ ചര്‍ച്ചയായിരിക്കുകയാണ്.

I feel sorry for @MoSalah.
I didn’t even know he was here. its literally shocking to see a massive amount of people gathered around his house ,and the traffic was unbearable! I know that people love him but at least give him some personal space! #MoSalah #محمد_صلاح pic.twitter.com/n2aA5W7Xp6

— روضة (@Rawda_tfr) June 29, 2018

അതേസമയം ജനങ്ങളുടെ ഇത്തരം പെരുമാറ്റ രീതിയെ അനുകൂലിച്ചും പ്രതികൂലിച്ചും സോഷ്യല്‍ മീഡിയയില്‍ ചര്‍ച്ച നടക്കുന്നുണ്ട്.
ആളുകള്‍ സലായെ സ്‌നേഹിക്കുന്നുവെന്ന് എല്ലാവര്‍ക്കും അറിയാമെന്നും എന്നാല്‍ സ്വാകാര്യ നിമിഷങ്ങള്‍ക്കായി അദ്ദേഹത്തിന് സമയം അനുവദിച്ചു കൊടുക്കണമെന്നാണ് പലരുടേയും അഭിപ്രായം. എന്നാല്‍ സലായുടെ പരുമാറ്റരീതിയെ പ്രശംസിച്ചും പോസ്റ്റുകള്‍ വരുന്നുണ്ട്.

تجمع كبير وحشد امام بيت محمد صلاح ليله البارحه ..
مو كافي الي صار معاه من الاتحاد المصري،، الرجال موب قادر يرتاح حتى في اجازته
طبعا جت الشرطه .. صلاح واهله غادروا المكان .. pic.twitter.com/grUUawei2s

— L.F.C (@abdullaah1892) June 29, 2018