yuvrajsing – Chandrika Daily

യുവി പറയുന്നു; ആ പഴയ ധോണിയെയും യുവരാജിനെയും ഇനിയും കാണാമെന്ന്‌..

chandrika — Mon, 09 Jan 2017 15:54:46 +0000

ന്യൂഡല്‍ഹി: ആദ്യകാലത്തേത് പോലുള്ള ഫിയര്‍ലെസ് ക്രിക്കറ്റ് എന്നില്‍ നിന്നും ധോണിയില്‍ നിന്നും പ്രതീക്ഷിക്കാമെന്ന് യുവരാജ് സിങ്. ബി.സി.സി.ഐ ടിവിക്ക് നല്‍കിയ അഭിമുഖത്തിലാണ് യുവരാജ് ഇക്കാര്യം പറഞ്ഞത്. ധോണിയുമായുള്ള കൂട്ടുകെട്ട് ആസ്വദിച്ചിരുന്നു. എന്റെ ശേഷമാണ് ധോണി ഇന്ത്യന്‍ ടീമിലെത്തുന്നത്, ശേഷം മികച്ച രീതിയിലാണ് ബാറ്റ് വീശിയിരുന്നത്, തുടര്‍ന്ന് വരുന്ന പരമ്പരകളിലും അങ്ങനത്തന്നെയായിരിക്കുമെന്നും യുവി വ്യക്തമാക്കി.

ധോണിയുടെ കീഴില്‍ നമ്മള്‍ ഒന്നാം സ്ഥാനത്ത് എത്തി, രണ്ട് ലോകകപ്പുകളും( ഏകദിനം, ടി20) സ്വന്തമാക്കി മറ്റൊരു ക്യാപ്റ്റനും ഇത്തരത്തിലൊരു നേട്ടമില്ലെന്നും യുവി പറഞ്ഞു. ക്യാപ്റ്റന്‍ സ്ഥാനത്ത് നിന്നൊഴിയാനുള്ള ധോണിയുടെ തീരുമാനത്തെയും യുവി പ്രശംസിച്ചു. 2019 ലോകകപ്പിന് ടീം സജ്ജമാകേണ്ടത് മറ്റൊരു ക്യാപ്റ്റന് കീഴിലാവണമെന്ന് അദ്ദേഹം കരുതിയിരിക്കാം, ധോണിക്ക്, ഇനിയും ടീമിന് സംഭാവനകള്‍ ചെയ്യാന്‍ കഴിയുമെന്നും യുവി കൂട്ടിച്ചേര്‍ത്തു.

തന്റെ ഫോം കൊണ്ട് മറ്റുള്ളവരെ പ്രചോദിപ്പിക്കുന്ന കളിക്കാരനാണ് പുതിയ ക്യാപ്റ്റന്‍ കോഹ് ലിയെന്നും യുവി പറഞ്ഞു. ഇംഗ്ലണ്ടിനെതിരെ ആരംഭിക്കുന്ന പരമ്പരയ്ക്കാണ് യുവി ടീമിലെത്തിയത്. മൂന്ന് വര്‍ഷത്തെ ഇടവേളക്ക് ശേഷമാണ് യുവിയുടെ ടീം പ്രവേശം. ടി20 ടീമിലും യുവരാജ് ഇടം നേടിയിട്ടുണ്ട്. ആഭ്യന്തര ക്രിക്കറ്റിലെ മികച്ച ഫോം ആണ് യുവിക്ക് തുണയായത്.

രഞ്ജിയില്‍ ചരിത്രം കുറിച്ച് യുവരാജ് സിങ്

Web Desk — Sun, 30 Oct 2016 07:04:34 +0000

ന്യൂഡല്‍ഹി: ബറോഡക്കെതിരായ രഞ്ജി ട്രോഫി മത്സരത്തില്‍ ഡിബിള്‍ സെഞ്ച്വറി തികച്ച് മുന്‍ ഇന്ത്യന്‍ താരം യുവരാജ് സിങ്. ഒടുവില്‍ വിവരം ലഭിക്കുമ്പോള്‍ പഞ്ചാബ് നാല് വിക്കറ്റ് നഷ്ടത്തില്‍ 597 റണ്‍സെന്ന നിലയിലാണ്. 245 റണ്‍സുമായി യുവരാജ് ക്രീസിലുണ്ട്. രഞ്ജിയില്‍ യുവിയുടെ ആദ്യ ഡബിള്‍ സെഞ്ച്വറിയാണിത്. 25 ബൗണ്ടറിയും നാല് സിക്‌സറും ഉള്‍പ്പെടുന്നതാണ് യുവിയുടെ ഇന്നിങ്‌സ്. അവസാന ദിവസമായ ഇന്ന് യുവി 300 അടിക്കുമോ എന്നാണ് ആരാധകര്‍ ഉറ്റുനോക്കുന്നത്. ബറോഡയുടെ ആദ്യ ഇന്നിങ്‌സ് 529ല്‍ അവസാനിച്ചിരുന്നു. പഞ്ചാബിന് 68 റണ്‍സ് നിലയിലാണ്. മധ്യപ്രദേശിനെതിരായ മത്സരത്തിലും യുവി സെഞ്ച്വറി നേടിയിരുന്നു. ഇംഗ്ലണ്ടിനെതിരായ പരമ്പരക്കുള്ള ടീമിനെ പ്രഖ്യാപിക്കാനിരിക്കെ യുവിയുടെ മിന്നും ഫോം സെലക്ടര്‍മാരെ പ്രീതിപ്പെടുത്തുമോയെന്നും കാണേണ്ടിയിരിക്കുന്നു.

dont miss: തകര്‍പ്പന്‍ സെഞ്ച്വറിയുമായി ഗൗതം ഗംഭീര്‍ തിരിച്ചുവരുന്നു

സെഞ്ച്വറിയുമായി വീണ്ടും യുവരാജ്

Web Desk — Sat, 29 Oct 2016 09:21:33 +0000

ന്യൂഡല്‍ഹി: സീസണില്‍ രണ്ടാം രഞ്ജി സെഞ്ച്വറിയുമായി കളം നിറഞ്ഞ് മുന്‍ ഇന്ത്യന്‍ താരം യുവരാജ് സിങ്. ബറോഡക്കെതിരെ നടക്കുന്ന മത്സരത്തിലാണ് യുവിയുടെ സെഞ്ച്വറി. യുവരാജിന്റെ 26ാം ഫസ്റ്റ് ക്ലാസ് സെഞ്ച്വറിയാണിത്. ഒടുവില്‍ വിവരം ലഭിക്കുമ്പോള്‍ പഞ്ചാബ് ആദ്യ ഇന്നിങ്‌സില്‍ രണ്ടു വിക്കറ്റ് നഷ്ടത്തില്‍ 346 റണ്‍സെന്ന ശക്തമായ നിലയിലാണ്. 124 റണ്‍സുമായി യുവി ക്രീസിലുണ്ട്. 174 പന്തില്‍ നിന്ന് 17 ബൗണ്ടറിയുടെ അകമ്പടിയോടെയാണ് യുവിയുടെ ഇന്നിങ്‌സ്. മത്സരത്തില്‍ മനന്‍ വോറയും സെഞ്ച്വറി നേടി. 151 റണ്‍സുമായി വോറയാണ് യുവിക്കൊപ്പം ക്രീസിലുള്ളത്. നേരത്തെ മധ്യപ്രദേശിനെതിരായ മത്സരത്തിലും യുവി സെഞ്ച്വറി നേടിയിരുന്നു. ഫസ്റ്റ് ക്ലാസ് ക്രിക്കറ്റിലൂടെ കരുത്ത് തെളിയിച്ച് ടീം ഇന്ത്യയിലേക്ക് മടങ്ങിവരാനുള്ള തയ്യാറെടുപ്പിലാണ് യുവരാജ് സിങ്.

dont miss: തകര്‍പ്പന്‍ സെഞ്ച്വറിയുമായി ഗൗതം ഗംഭീര്‍ തിരിച്ചുവരുന്നു

തകര്‍പ്പന്‍ സെഞ്ച്വറിയുമായി യുവരാജ് സിങ്

chandrika — Thu, 13 Oct 2016 09:16:17 +0000

ന്യൂഡല്‍ഹി: രഞ്ജി ട്രോഫി ക്രിക്കറ്റില്‍ തകര്‍പ്പന്‍ സെഞ്ച്വറിയുമായി മുന്‍ ഇന്ത്യന്‍ താരം യുവരാജ് സിങ്ങിന്റെ തിരിച്ചുവരവ്. മധ്യപ്രദേശിനെതിരായ മത്സരത്തില്‍ പഞ്ചാബിന് വേണ്ടിയാണ് യുവരാജ് സെഞ്ച്വറി നേടിയത്. യുവിയുടെ 25ാം ഫസ്റ്റ് ക്ലാസ സെഞ്ച്വറിയാണിത്. ഒടുവില്‍ വിവരം ലഭിക്കുമ്പോള്‍ 115 റണ്‍സുമായി യുവി ക്രീസിലുണ്ട്. ജിവാന്‍ജോത് സിങ്(59) ആണ് കൂട്ടിന്. പഞ്ചാബ് ഇപ്പോള്‍ 2ന് 188 എന്ന നിലയിലാണ്. 174 പന്തില്‍ നിന്ന് 17 ബൗണ്ടറികളുടെ അകമ്പടിയോടെയാണ് യുവിയുടെ ഇന്നിങ്‌സ്. ആദ്യ മത്സരത്തില്‍ റെയില്‍വെക്കെതിരെ യുവരാജിന് തിളങ്ങാനായിരുന്നില്ല. ഇന്ത്യന്‍ ടീമിലേക്ക് തിരിച്ചുവരാനൊരുങ്ങുന്ന യുവരാജിന് ഈ സെഞ്ച്വറി കരുത്ത് പകരും. ന്യൂസിലാന്‍ഡിനെതിരായ ഏകദിന പരമ്പരയ്ക്കുള്ള ടീമില്‍ യുവിക്ക് ഇടം നേടാനായിരുന്നില്ല.