ലണ്ടന്‍: രാജ്യാന്തര ഒളിമ്പിക്‌സ് കമ്മിറ്റി പ്രസിഡന്റ് പദവിയിലേക്ക് വീണ്ടും മത്സരിക്കാന്‍ ഒരുങ്ങി തോമസ് ബാഷ്. അടുത്ത വര്‍ഷം നടക്കുന്ന തെരഞ്ഞെടുപ്പില്‍ മത്സരിക്കാനുള്ള സന്നദ്ധത അദ്ദേഹം എ.ഒ.സി സെഷനെ അറിയിച്ചു.
2013ല്‍ സ്ഥാനമേറ്റ ബാഹിന്റെ എട്ടുവര്‍ഷ കാലാവധി അടുത്ത വര്‍ഷം പൂര്‍ത്തിയാവും. വീണ്ടും തെരഞ്ഞെടുക്കപ്പെടുകയാണെങ്കില്‍ നാലു വര്‍ഷംകൂടി അദ്ദേഹത്തിന് തുടരാം. ഫെന്‍സിങ്ങില്‍ 1976 ഒളിമ്പിക്‌സില്‍ വെസ്റ്റ് ജര്‍മനിക്കായി സ്വര്‍ണം നേടിയ താരമാണ് തോമസ് ബാഷ്.