കോവിഡ് കേസുകള്‍ കുറയുന്ന സാഹചര്യത്തില്‍ മുംബൈയില്‍ നിയന്ത്രണങ്ങളില്‍ ഇളവ്. രാത്രി കാല കര്‍ഫ്യു പിന്‍വലിച്ചെന്നും റസ്റ്റാറന്റുകളിലും തിയറ്ററുകളിലും 50 ശതമാനം ആളുകളെ അനുവദിക്കുമെന്നും ഗ്രേറ്റര്‍ മുംബൈ മുനിസിപ്പല്‍ കോര്‍പറേഷന്‍ അറിയിച്ചു.
രാത്രി കാല കര്‍ഫ്യു പിന്‍വലിച്ചതിനാല്‍ രാത്രി 11 മുതല്‍ പുലര്‍ച്ചെ അഞ്ചുവരെ യാത്രകള്‍ക്ക് ഇനി നിയന്ത്രണം ഉണ്ടാകില്ല. ബീച്ചുകള്‍, പാര്‍ക്കുകള്‍, ഗാര്‍ഡനുകള്‍ എന്നിവ തുറന്നുപ്രവര്‍ത്തിക്കും. അമ്യൂസ്‌മെന്റ്, തീം പാര്‍ക്കുകള്‍ തുടങ്ങിയവയ്ക്ക് സീറ്റിങ് കപ്പാസിറ്റിയുടെ 50 ശതമാനം ഉപയോഗിക്കാം. വിവാഹ ചടങ്ങുകളില്‍ 200 പേര്‍ക്ക് പങ്കെടുക്കാം.