ഗുജറാത്തിലെ സൂറത്തില്‍ മൂന്ന് കുട്ടികളടക്കം ഒരു കുടുംബത്തിലെ ഏഴുപേരെ വീട്ടിനുള്ളില്‍ മരിച്ച നിലയില്‍ കണ്ടെത്തി. സൂറത്തില്‍ പാലന്‍ പൂരിലെ ജഗത്‌നാഗ റോഡില്‍ താമസിച്ചിരുന്ന ഫര്‍ണിച്ചര്‍ വ്യാപാരി മനീഷ് സോളീഗി, ഭാര്യ റീത, പിതാവ് കാനു, മാതാവ് ശോഭ, മക്കളായ ദിശ, കാവ്യ, കുശാല്‍ എന്നിവരാണ് മരിച്ചത്.
മനീഷിനെ തൂങ്ങിമരിച്ച നിലയിലും ബാക്കിയുള്ളവരെ വിഷം ഉള്ളില്‍ ചെന്ന് മരിച്ച നിലയിലുമാണ് കണ്ടെത്തിയത്. സാമ്പത്തിക പ്രശ്‌നങ്ങളാണ് കൂട്ടമരണത്തിന് കാരണമെന്നാണ് അറിയുന്നത്.
35 ഓളം ജീവനക്കാരുള്ള ഫര്‍ണിച്ചര്‍ വ്യാപാരം നടത്തുന്നയാളാണ് മനീഷ്. ഇദ്ദേഹത്തെ എത്ര വിളിച്ചിട്ടും കിട്ടാതായതോടെ നാട്ടുകാര്‍ വീട്ടിലെത്തി അകത്തു ചെന്ന് നോക്കിയപ്പോഴാണ് ദാരുണമായ സംഭവം കണ്ടത്.