ഹാഥറസ് ബലാത്സംഗക്കൊല റിപ്പോര്‍ട്ട് ചെയ്യാന്‍ പോകുന്നതിനിടെ ഉത്തര്‍ പ്രദേശ് പൊലീസ് അറസ്റ്റ് ചെയ്ത മലയാളി മാധ്യമപ്രവര്‍ത്തകന്‍ സിദ്ദീഖ് കാപ്പന്‍ രണ്ടു വര്‍ഷത്തിനുശേഷം ജയില്‍ മോചിതനായി.
ജാമ്യനടപടികള്‍ പൂര്‍ത്തിയാക്കി മോചന ഉത്തരവ് വിചാരണ കോടതി ബുധനാഴ്ച വൈകീട്ട് ലഖ്നോ ജയിലിലേക്കയച്ചിരുന്നു. ഓര്‍ഡര്‍ ജയിലില്‍ ലഭിക്കാന്‍ സമയം വൈകിയതോടെയാണ് പുറത്തിറങ്ങാന്‍ ഒരുദിവസം കൂടെ അധികമെടുത്തത്. തുടര്‍ന്ന് ഇന്ന് രാവിലെ അദ്ദേഹം ജയിലില്‍നിന്ന് മോചിതനാകുകയായിരുന്നു. നിയമ പോരാട്ടം തുടരുമെന്നും തനിക്ക് വേണ്ടി പ്രയത്നിച്ച എല്ലവർക്കും നന്ദിയുണ്ടെന്നും കാപ്പൻ പറഞ്ഞു.