ഗവര്‍ണര്‍ ആരിഫ് മുഹമ്മദ്ഖാനെ സംസ്ഥാനത്തെ സര്‍വകലാശാലകളുടെ സ്ഥാനത്തുനിന്നു നീക്കാന്‍ ഓര്‍ഡിനന്‍സ് കൊണ്ടുവരാന്‍ മന്ത്രിസഭായോഗത്തില്‍ തീരുമാനം.ഗവര്‍ണറും സര്‍ക്കാരും തമ്മിലുള്ള സര്‍വകലാശാല നിയമനങ്ങളെ ചൊല്ലിയുള്ള തര്‍ക്കം ദിനംപ്രതി വര്‍ധിക്കുന്ന സാഹചര്യത്തിലാണ് നടപടി.നിലവില്‍ അതതു സര്‍വ്വകലാശാല നിയമമനുസരിച്ച് ഗവര്‍ണര്‍ ആണ് എല്ലാ യൂണിവേഴ്‌സിറ്റികളുടെയും ചാന്‍സലര്‍.
ഇവയില്‍ മാറ്റം വരുത്താന്‍ വേണ്ടിയാണ് ഓര്‍ഡിനന്‍സ്.ഓരോ സര്‍വകലാശാലകള്‍ക്കും വ്യത്യസ്ത നിയമം ആണെങ്കിലും ഒറ്റ ഓര്‍ഡിനന്‍സിലൂടെ ഇതു മാറ്റാനാണ് സര്‍ക്കാര്‍ ഒരുങ്ങുന്നത്.ഓരോ സര്‍വകലാശാലയ്ക്കും പ്രത്യേകം ചാന്‍സലര്‍മാരെ നിയമിക്കുന്നതിനു ഓര്‍ഡിനന്‍സില്‍ വ്യവസ്ഥയുണ്ടാവും.