പാറപ്പുറത്ത് കയറി ഫോട്ടോ എടുക്കുന്നതിനിടെ കാലു വഴുതി പുഴയില്‍ വീണ് നവദമ്പതികളെ കാണാതായി. തിരുവനന്തപുരം ജില്ലയില്‍ പള്ളിക്കലില്‍ കഴിഞ്ഞദിവസം വൈകിട്ട് അഞ്ചുമണിയോടെയാണ് സംഭവം.
ഇവര്‍ക്കൊപ്പം പുഴയില്‍ വീണ ബന്ധുവായ യുവാവ് അന്‍സില്‍ മരണപ്പെട്ടു. കടക്കല്‍ സ്വദേശി സിദ്ദീഖ്, ഭാര്യ നൗഫി എന്നിവരാണ് ആറ്റിലേക്ക് വീണത്. ഇവര്‍ക്കൊപ്പം പുഴയിലേക്ക് വീണ യുവാവിനെ കരയ്ക്ക് എത്തിച്ചെങ്കിലും ജീവന്‍ രക്ഷിക്കാനായില്ല.
ദമ്പതികള്‍ മരിച്ചുപോയ അന്‍സിലിന്റെ വീട്ടിലേക്ക് വിരുന്നു വന്നവരായിരുന്നു. അഞ്ചു ദിവസം മുമ്പാണ് ഇരുവരുടെയും വിവാഹം കഴിഞ്ഞത്.