ആനക്കൊമ്പ് കൈവശം വെച്ച കേസില്‍ നടന്‍ മോഹന്‍ലാലിനെതിരെ ഹൈക്കോടതി നിര്‍ദേശം. കേസ് റദ്ദാക്കണമെന്ന ലാലിന്റെ ആവശ്യം തള്ളിയ കോടതി ഒന്നാം ക്ലാസ് മജിസ്‌ട്രേട്ട് കോടതിയുടെ ഉത്തരവ് റദ്ദാക്കണമെന്ന ആവശ്യം നിരസിച്ചു. വന്യമൃഗസംരക്ഷണനിയമപ്രകാരമാണ് കേസ്. എന്നാല്‍ നിയമപ്രകാരമാണ് താന്‍ കൊമ്പ് കൈവശം വെച്ചതെന്നാണ് നടന്റെ വാദം. കേസ് പുതുതായി പരിഗണിക്കും. 2015ല്‍ തനിക്ക് കിട്ടിയ രണ്ട് ആനക്കൊമ്പുകള്‍ക്ക് സംസ്ഥാനസര്‍ക്കാര്‍ സര്‍ട്ടിഫിക്കറ്റ് തന്നതായി ലാല്‍ പറയുന്നു. എന്നാല്‍ സര്‍ക്കാരിന്റെ നടപടി അംഗീകരിക്കാന്‍ കോടതി തയ്യാറായിരുന്നില്ല.