പെട്രോള്‍-ഡീസല്‍ സെസ്് പിന്‍വലിക്കാത്തത് കേരളത്തിലെ ജനങ്ങളോടും, ഭരണകൂടത്തോടും ചെയ്യുന്ന നെറികേടാണെന്ന് യൂത്ത് കോണ്‍ഗ്രസ് നേതാവ് ഷാഫി പറമ്പില്‍ എംഎല്‍എ. നികുതി ഭീകരതയാണ് കേരളത്തില്‍ നടക്കുന്നത്. സഭയ്ക്ക് അകത്തും പുറത്തും ശക്തമായ സമരങ്ങള്‍ തുടരും. ഒരു ന്യായീകരണവും ജനങ്ങള്‍ കേള്‍ക്കില്ല. പാവപ്പെട്ടവന് ഒരു ആനുകൂല്യങ്ങളും നല്‍കാന്‍ ഈ സര്‍ക്കാരിന് സാധിച്ചിട്ടില്ലെന്നും അദ്ദേഹം മാധ്യമങ്ങളോട് പറഞ്ഞു.
കേരളം കണ്ടതില്‍ വച്ച് ഏറ്റവും ഈഗോ നിറഞ്ഞ മുഖ്യമന്ത്രിയാണ് ഇപ്പോള്‍ അധികാരത്തിലുള്ളത്. ജനങ്ങള്‍ക്ക് ലഭിക്കേണ്ട നീതിയേക്കാള്‍, ജനങ്ങളോട് നിറവേറ്റണ്ട കടമയേക്കാള്‍ അവനവന്റെ ഈഗോയ്ക്കും അഹങ്കാരത്തിനും പ്രാധാന്യം കൊടുക്കുന്ന ഭരണാധികാരിയാണ് കേരളത്തിലേത്. അത് ജനങ്ങള്‍ക്ക് ബോധ്യപ്പെടുമെന്നും ഷാഫി പറമ്പില്‍ പ്രതികരിച്ചു.