വടക്കന്‍ പറവൂരില്‍ കുടുംബ വഴക്കിനെ തുടര്‍ന്ന് താമസിച്ചിരുന്ന വീട് ഇടിച്ചു നിരത്തി യുവാവ്. പിതൃസഹോദരിയായ ലീലയെ വീട്ടില്‍ നിന്നും പുറത്താക്കുന്നതിന്റെ ഭാഗമായിട്ടിരുന്നു യുവാവിന്റെ പരാക്രമം. വ്യാഴാഴ്ച രാവിലെ ജോലിക്ക് പോയ 56കാരിയായ ലീല തിരിച്ചു വന്നപ്പോള്‍ വീടിരുന്ന സ്ഥാനത്ത് മണ്‍കൂബാരമായിരുന്നു ഉണ്ടായിരുന്നത്.
അവിവാഹിതയായ ലീല സഹോദര പുത്രന്‍ രമേഷും ഭാര്യയും 2 മക്കളുമാണ് വീട്ടില്‍ താമസിച്ചിരുന്നത്. കഴിഞ്ഞ 9 വര്‍ഷമായി രമേഷും ഭാര്യയും തന്നെ മാനസികമായി പീഡിപ്പിച്ചിരുന്നതായി ലീല പറയുന്നു. വീട്ടില്‍ നിന്നും ഒഴിഞ്ഞു പോകണമെന്ന് ലീലയോട് രമേഷ് പല പ്രാവശ്യ ആവശ്യപ്പെട്ടിരുന്നു.
എന്നാല്‍ തനിക്ക് കൂടി അവകാശപ്പെട്ട വീട്ടില്‍ നിന്നും ഇറങ്ങാന്‍ കഴിയില്ലെന്ന് ലീല വ്യക്തമാക്കിയിരുന്നു. ഇതിന്റെ വൈരാഗ്യത്തിലാണ് രമേഷിന്റെ ഈ ക്രൂരത. അവകാശത്തര്‍ക്കം നിലനില്‍ക്കുന്ന വസ്തുവായതിനാല്‍ വിശദമായ പരിശോധനയ്ക്കുശേഷം തുടര്‍നടപടി സ്വീകരിക്കാനാണേ് പൊലീസിന്റെ തീരുമാനം.