തിബറ്റന്‍ ആത്മീയ നേതാവ് കുട്ടിയെ ഉമ്മവെക്കുന്ന വീഡിയോക്കെതിരെ വ്യാപക വിമര്‍ശനം. ഉമ്മ വെച്ചതിനു ശേഷം തന്റെ നാവ് നക്കാന്‍ കുട്ടിയോട് ദലൈലാമ ആവശ്യപ്പെട്ടതാണ് വിവാദത്തിന് തിരി കൊളുത്തിയത്. അനുഗ്രഹം തേടി കുട്ടി എത്തിയപ്പോഴാണ് ചുണ്ടില്‍ ചുംബിച്ചത്. തുടര്‍ന്ന് നാക്ക് പുറത്തേക്കിട്ടു കാണിച്ച ദലൈലാമ കുട്ടിയോട് അതില്‍ നക്കാന്‍ ആവശ്യപ്പെടുകയാണ്. നിരവധി പേരാണ് തിബറ്റന്‍ ആത്മീയ നേതാവിന്റെ നടപടിക്കെതിരെ രംഗത്തുവന്നത്.
എന്തിനാണ് കുട്ടിയോട് ഇങ്ങനെ ആവശ്യപ്പെട്ടത് എന്നാണ് ജനങ്ങള്‍ ചോദിക്കുന്നത്. തീര്‍ത്തും അനുചിതവും ആര്‍ക്കും നീതീകരിക്കാന്‍ സാധിക്കാത്തതുമായ പ്രവൃത്തിയാണ് ദലൈലായില്‍ നിന്നുണ്ടായതെന്ന് വിമര്‍ശനമുയര്‍ന്നു. നടപടി വിവാദമായതോടെ ദലൈലാമ മാപ്പ് പറഞ്ഞു.