മനീഷ് സിസോദിയയെ ഇന്ന് വീണ്ടും കോടതിയില്‍ ഹാജരാക്കും. മദ്യനയ കേസില്‍ ഡല്‍ഹി ഉപമുഖ്യമന്ത്രിയായിരുന്ന മനീഷ് സിസോദിയയെ കഴിഞ്ഞ മാസം 26നാണ് സിബിഐ അറസ്റ്റ് ചെയ്തത്. കോടതി ആദ്യം അദ്ദേഹത്തെ 5 ദിവസത്തെ ജുഡീഷ്യല്‍ കസ്റ്റഡിയില്‍ വിട്ടു.
പിന്നീട് മാര്‍ച്ച് 3ന് കോടതിയില്‍ ഹാജരാക്കിയ സിസോദിയയുടെ റിമാന്റ് കാലാവധി രണ്ടുദിവസത്തേക്ക് കൂടി നീട്ടിയിരുന്നു. ഇന്നാണ് അത് അവസാനിക്കുക. നിലവില്‍ വീണ്ടും സിസോദിയയെ കസ്റ്റഡിയില്‍ വേണമെന്ന് ആവശ്യപ്പെടില്ലെന്നാണ് റിപ്പോര്‍ട്ട്. അധികകാലം അദ്ദേഹത്തെ കസ്റ്റഡിയില്‍ വെക്കാനാകില്ലെന്ന് പ്രത്യേക ജഡ്ജി എം.കെ നാഗപാല്‍ പറഞ്ഞിരുന്നു.