വീടിനടുത്തുള്ള വെള്ളക്കുഴിയിൽ വീണ് എൽകെജി വിദ്യാർഥി മരിച്ചു. മലപ്പുറം കൊളത്തൂർ വാഴേങ്ങൽ കളപ്പുലാൻ ഷംസുദ്ദീൻ്റെ മകൻ മുഹമ്മദ് ഷസാൻ (4). ആണ് മരിച്ചത്.
ഇന്നലെ വൈകിട്ട് മൂന്നേകാലോടെയിരുന്നു അപകടം. പാങ്ങ് വാഴേങ്ങൽ എഎംഎൽപി സ്കൂൾ വിദ്യാർഥിയാണ്. വൈകിട്ട് സ്കൂൾ വിട്ട് വന്നതിനു ശേഷമാണ് കുട്ടി പുറത്തേക്ക് പോയത്. കുറച്ചുനേരം കഴിഞ്ഞിട്ടും കാണാതെ വന്നതോടെ വീട്ടുകാർ തിരഞ്ഞിറങ്ങിയതായി രുന്നു.
വെള്ളത്തിൽ മുങ്ങിക്കിടക്കുന്ന നിലയിലായിരുന്നു കുട്ടി. വെള്ളം കെട്ടി നിൽക്കുന്ന വീതിയുള്ള കുഴിയുടെ അടിഭാഗം ചേറുമൂടിയ നിലയിലാണ്. ഉടൻതന്നെ വല്യുമ്മ കുഴിയിലിറങ്ങി കുട്ടിയെ പുറത്തെടു ഉടൻ തന്നെ പടപ്പറമ്പിലെ സ്വകാര്യ ആശുപത്രിയിലും മാലാപറമ്പിലെ മെഡിക്കൽ കോളജ് ആശുപത്രിയിലും എത്തിച്ചെങ്കിലും ജീവൻ രക്ഷിക്കാനായില്ല.