ചുമയ്‌ക്കുള്ള മരുന്നെന്ന് കരുതി കുടിച്ചത് പശുവിനു കൊടുക്കാനുള്ള മരുന്ന്; അൻപത്തിയേഴുകാരന് ദാരുണാന്ത്യം

ചുമയ്‌ക്കുള്ള മരുന്നെന്ന് കരുതി പശുവിനു കൊടുക്കാനുള്ള മരുന്ന് കഴിച്ച വയോധികൻ മരിച്ചു. പാലക്കാട് തൃത്താല സ്വദേശി ഉമ്മർ(57) ആണ് മരിച്ചത്. ശനിയാഴ്ച പുലർച്ചെയായിരുന്നു സംഭവം.

പശുവിന്റെ ചെള്ള് കളയുന്നതിനുള്ള മരുന്ന് ആണ് ഇദ്ദേഹം ചുമക്കുള്ള മരുന്നാണെന്നു കരുതി കുടിച്ചത്. ഉടൻ തന്നെ തൃശ്ശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു. എന്നാൽ ആരോ​ഗ്യനില വഷളാവുകയും ഞായറാഴ്ച രാത്രി അന്ത്യം സംഭവിക്കുകയുമായിരുന്നു.