ചങ്ങരംകുളം കോലിക്കരയിലെ തൃശൂര്‍ കുറ്റിപ്പുറം സംസ്ഥാന പാതയില്‍ വാഹനാപകടം. മോട്ടോര്‍ സൈക്കിളും കാറും കൂട്ടിയിടിച്ചാണ് അപകടം നടന്നത്. അപകടത്തില്‍ രണ്ട് യുവാക്കള്‍ മരണപ്പെട്ടു. കോലിക്കര സ്വദേശികളായ നൂലിയില്‍ മജീദിന്റെ മകന്‍ അല്‍ത്താഫ് (24)വടക്കത്തുവളപ്പില്‍ ബാവയുടെ മകന്‍ ഫാസില്‍ (36) എന്നിവരാണ് മരണപ്പെട്ടത്.
ഒതളൂരിലെ ഉത്സവം കഴിഞ്ഞു മടങ്ങി വരുന്ന യുവാക്കളുടെ ബൈക്കിന് പുറകില്‍ കാര്‍ ഇടിച്ചാണ് അപകടം സംഭവിച്ചത്. കുന്നംകുളം പെരുമ്പിലാവ് സ്വദേശി ഓടിച്ച കാറാണ് അപകടത്തില്‍ പെട്ടത്. ഇരുവരുടേയും മയ്യിത്ത് ചങ്ങരംകുളം സണ്‍റൈസ് ഹോസ്പിറ്റലിലെ മോര്‍ച്ചറിയില്‍ സൂക്ഷിച്ചിരിക്കുകയാണ്. നിയമനടപടികള്‍ക്ക് ശേഷം ബന്ധുക്കള്‍ക്ക് വിട്ട് നല്‍കും.