വാഷിങ്ടണ്‍: ആര്‍ട്ടിഫിഷ്യല്‍ ഇന്റലിജന്‍സ് മൂലമുള്ള മനുഷ്യന്റെ വംശനാശ ഭീഷണി ലഘൂകരിക്കുന്നതിന് മുന്‍ഗണന നല്‍കണമെന്ന് വിദഗ്ധരുടെ മുന്നറിയിപ്പ്. പകര്‍ച്ചവ്യാധികള്‍, ആണവയുദ്ധം എന്നിവക്കൊപ്പം മനുഷ്യന്റെ നിലനില്‍പ്പിന് ഭീഷണിയാകുന്ന ആര്‍ട്ടിഫിഷ്യല്‍ ഇന്റലിജന്‍സിനും ആഗോളതലത്തില്‍ നിയന്ത്രണം വേണമെന്ന് ഗൂഗിള്‍ ഡീപ്പ് മൈന്റ് സി.ഇ.ഒ ഡെമിസ് ഹസ്സാബിസും ഓപ്പണ്‍ എ.ഐ മേധാവി സാം ആള്‍ട്ട്മാനും ഉള്‍പ്പെടുന്ന വിദഗ്ധ സംഘം പറയുന്നു.
സെന്റര്‍ ഫോര്‍ എ.ഐ സേഫ്റ്റിയുടെ വെബ്പേജില്‍ നിരവധി പേര്‍ പ്രസ്താവനയെ പിന്തുണച്ച് രംഗത്തെത്തി. എ.ഐ സാങ്കേതികവിദ്യയുടെ ഗോഡ്ഫാദറായി അറിയപ്പെടുന്ന ഡോ. ജഫ്രി ഹിന്റണും വിദഗ്ധരുടെ ആഹ്വാനത്തിന് പിന്തുണ പ്രഖ്യാപിച്ചിട്ടുണ്ട്.