കേരളത്തിന് അനുവദിച്ച വന്ദേഭാരതില്‍ ബിജെപി തരംതാണ രാഷ്ട്രീയ കളി നടക്കുന്നുവെന്ന് കോണ്‍ഗ്രസ് നേതാവും എംപിയുമായ കെ മുരളീധരന്. ഉദ്ഘാടന യാത്രയില്‍ മുഴുനീളെ ബിജെപി ജാഥയും ബഹളവുമാണ് ഉണ്ടായത്. ബിജെപി ഓഫീസില്‍ ഇരുന്ന പോലെ അകപ്പെട്ടു പോയി. കേന്ദ്രമന്ത്രി മുരളീധരന് വേണ്ടി വേണ്ടി 10 മിനിട്ട് എല്ലാ സ്റ്റേഷനില്‍ നിര്‍ത്തിയെന്നും അദ്ദേഹം കുറ്റപ്പെടുത്തി.
രണ്ടാമത് വന്ദേ ഭാരത് ആരുടെയെങ്കിലും സമ്മര്‍ദ്ദം കൊണ്ട് മാത്രമല്ല ആദ്യ വന്ദേ ഭാരത് മികച്ച വരുമാനം നല്‍കിയത് കൊണ്ട് കൂടിയാണ് തുടര്‍ന്ന് രണ്ടാമതും അനുവദിച്ചത്. എന്നാല്‍ ഇത്തരത്തില്‍ ബിജെപി നടത്തുന്ന രാഷ്ട്രീയ കളി അനുവദിക്കാനാവില്ല. ബിജെപി പ്രവര്‍ത്തകര്‍ പതാകയുമായി ട്രെയിനില്‍ കയറുന്നു.. ഇത് തുടര്‍ന്നാല്‍ പ്രതിഷേധിക്കേണ്ടിവരും അദ്ദേഹം കുറ്റപ്പെടുത്തി.