മനാമ: മുന്‍ മുഖ്യമന്ത്രിയും മുസ്ലിംലീഗ് നേതാവുമായിരുന്ന സി എച്ച് മുഹമ്മദ് കോയയുടെ സ്മരണാര്‍ത്ഥം കെ.എം.സി.സി ബഹ്‌റൈന്‍ കോഴിക്കോട് ജില്ലാ കമ്മിറ്റി നല്‍കിവരുന്ന വിദ്യാഭ്യാസ,സാംസ്‌കാരിക,നവോത്ഥാന രംഗത്തെ പ്രതിഭക്കുള്ള ഈവര്‍ഷത്തെ അവാര്‍ഡിന് സി.എച്ചിന്റെ ജീവ ചരിത്രം എഴുതിയ എം.സി ഇബ്രാഹിം(വടകര) അര്‍ഹനായി.
25000 രൂപയും പ്രശസ്ത്രി പത്രവുമടങ്ങുന്നതാണ് പുരസ്‌കാരം. കെ.എം.സി.സി ബഹ്‌റൈന്‍ കോഴിക്കോട് ജില്ലാ കമ്മിറ്റി മനാമ കെ.എം.സി.സി ഓഡിറ്റോറിയത്തില്‍ സംഘടിപ്പിച്ച സി.എച്ച് അനുസ്മരണ സമ്മേളനത്തില്‍ കെ.എം.സി.സി ബഹ്‌റൈന്‍ സീനിയര്‍ വൈസ് പ്രസിഡന്റ് കുട്ടൂസ മുണ്ടേരി അവാര്‍ഡ് ജേതാവിനെ പ്രഖ്യാപിച്ചു. സുബൈര്‍ ഹുദവിയാണ് കഴിഞ്ഞ വര്‍ഷത്തെ വിദ്യാഭ്യാസ പുരസ്‌കാര ജേതാവ്.