ചികിത്സയെ തുടര്‍ന്ന് വിശ്രമിക്കുന്ന എ പി കാന്തപുരം അബൂബക്കര്‍ മുസ്ലിയാരെ മുഖ്യമന്ത്രി പിണറായി വിജയന്‍ സന്ദര്‍ശിച്ചു. വിവിധ പരിപാടികള്‍ക്കായി കോഴിക്കോട് എത്തിയ മുഖ്യമന്ത്രി മര്‍ക്കസില്‍ എത്തിയാണ് കാന്തപുരത്തെ കണ്ടത്.
സുഖ വിവരങ്ങള്‍ അന്വേഷിച്ച അദ്ദേഹം കൂടുതല്‍ കാലം സേവനം ചെയ്യാന്‍ സാധിക്കട്ടെ എന്ന് ആശംസിക്കുകയും ചെയ്തു. സിപിഎം ജില്ലാ സെക്രട്ടറി പി മോഹനന്‍ മാസ്റ്റര്‍ കൂടെയുണ്ടായിരുന്നു.
പിണറായി വിജയനുമായി ഇന്ന് കാലത്ത് നടന്ന കൂടിക്കാഴ്ച സന്തോഷകരമായിരുന്നുവെന്നും പ്രതീക്ഷാ നിര്‍ഭരമായ അദ്ദേഹത്തിന്റെ സംസാരം ഏറെ ഉന്മേഷം നല്‍കിയെന്നും കാന്തപുരം ഫെയ്‌സ്ബുക്ക് പോസ്റ്റില്‍ പറഞ്ഞു.