തിരുവനന്തപുരം സംസ്ഥാനത്തെ സ്‌കൂളുകളിലെ രണ്ടാം പാദവര്‍ഷിക പരീക്ഷ ഡിസംബര്‍ 14 മുതല്‍ 22 വരെ നടത്താന്‍ പൊതു വിദ്യാഭ്യാസ ഡയറക്ടറുടെ അധ്യക്ഷതയില്‍ ചേര്‍ന്ന ക്വാളിറ്റി ഇംപ്രൂവ്‌മെന്റ് പ്രോഗ്രാം മോണിറ്ററിംഗ് യോഗത്തില്‍ തീരുമാനിച്ചു. ഒന്നു മുതല്‍ 10 വരെ ക്ലാസുകള്‍ക്ക് ഡിസംബര്‍ 14 മുതല്‍ 22 വരെ ആയിരിക്കും പരീക്ഷകള്‍ നടത്തുന്നത്. ഡിസംബര്‍ 12 മുതല്‍ 22 വരെ ആയിരിക്കും ഒന്നും രണ്ടും വര്‍ഷ ഹയര്‍ സെക്കന്‍ഡറി ക്ലാസുകളിലെ രണ്ടാം പാദവാര്‍ഷിക പരീക്ഷ.
തുടര്‍ന്ന് ക്രിസ്മസ് അവധിക്കായി 23നടക്കുന്ന സ്‌കൂളുകള്‍ ജനുവരി മൂന്നിന് തുറക്കും. മാര്‍ച്ച് 13 മുതല്‍ 30 വരെ നടത്താന്‍ നിശ്ചയിച്ച എസ്എസ്എല്‍സി പരീക്ഷ റംസാന്‍ വ്രത സമയത്ത് ഉച്ചയ്ക്ക് ശേഷം നടത്തുന്ന സംബന്ധിച്ച് പരാതിയുയര്‍ന്ന സാഹചര്യത്തില്‍ സര്‍ക്കാരിന്റെ പരിഗണനയ്ക്ക് വിടാനാണ് തീരുമാനം.