സ്വകാര്യ വാഹനങ്ങൾ അനധികൃതമായി സർവീസ് നടത്തുന്നത് ടാക്സി വാഹനങ്ങളെ ബാധിക്കുന്നു.വിമാനത്താവളത്തിന് പരിസരത്ത് നിർത്തി യാത്രക്കാരെ പ്രലോഭിപ്പിച്ചാണ് ഇവർ സർവീസ് നടത്തുന്നത്. ഇത്തരം വാഹനങ്ങൾ തടയാൻ ശ്രമിക്കുമ്പോൾ പലപ്പോഴും സംഘർഷാവസ്ഥയിലേക്ക് എത്തുന്നു. ഇത്തരം വാഹനങ്ങൾക്കെതിരെ നിയമ നടപടി സ്വീകരിക്കണമെന്ന് ടാക്സി ജീവനക്കാർ.
കരിപ്പൂരിൽ അന്താരാഷ്ട്ര വിമാനത്താവളത്തിലെത്തിയ ഒമാനി പൗരന്റെയും രോഗിയായ ഭാര്യയുടെയും യാത്ര വിവാദമയതും ഇത്തരത്തിൽ അനധികൃതമായി സർവീസ് നടത്തിയതിനാൽ ആണെന്ന് ടാക്സി ഡ്രൈവർമാർ. കോഴിക്കോട്ടെ സ്വകാര്യ ആശുപത്രിയില്‍ ചികിത്സ തേടിയെത്തിയ കുടുംബത്തെ ആശുപത്രിയിലേക്ക് എത്തിക്കാൻ ശ്രമിച്ചത് സ്വകാര്യ വാഹനത്തിൽ ആയിരുന്നുവെന്നും ഇവർ.
സ്വകാര്യ വാഹനം സർവീസ് നടത്തിയത് തടയാൻ ശ്രമിച്ചതാണ് വാക്കേറ്റത്തിൽ കലാശിച്ചത്. സംഭവത്തിൽ പിന്നീട് പോലീസ് ഇടപെട്ടാണ് രോഗിയെ ആശുപത്രിയിൽ എത്തിക്കാൻ സാഹചര്യമൊരുക്കിയത്.