താമരശ്ശേരി: ഐ.എച്ച്.ആര്‍.ഡി കോളേജിലെ സംഘര്‍ഷത്തെ തുടര്‍ന്ന് 15 വിദ്യാര്‍ഥികളെ സസ്‌പെന്‍ഡ് ചെയ്തു. സീനിയര്‍ വിദ്യാര്‍ഥികള്‍ ജൂനിയര്‍ വിദ്യാര്‍ഥികളെ മര്‍ദിച്ചെന്ന പരാതിയിലാണ് അന്വേഷണവിധേയമായി സസ്‌പെന്‍ഡ് ചെയ്തതെന്ന് കോളജ് പ്രിന്‍സിപ്പല്‍ പറഞ്ഞു. സംഭവത്തില്‍ 8 വിദ്യാര്‍ഥികള്‍ക്ക് പരിക്കേറ്റിരുന്നു.
ചൊവ്വാഴ്ച വൈകുന്നേരമാണ് സംഘര്‍ഷമുണ്ടായത്. കോളേജിലെ രണ്ടാം വര്‍ഷ വിദ്യാര്‍ഥികളെ മര്‍ദിച്ചെന്ന് ആരോപിച്ച് ഇരു വിഭാഗം വിദ്യാര്‍ഥികള്‍ ചേരിതിരിഞ്ഞും പുറമെ നിന്നെത്തിയവരും തമ്മിലാണ് സംഘര്‍മുണ്ടാവുകയായിരുന്നു. പൊലീസെത്തി ലാത്തിവീശിയാണ് സംഘര്‍ഷത്തിന് അയവുവരുത്തിയത്. സംഘര്‍ഷവുമായി ബന്ധപ്പെട്ട് രണ്ട് പരാതികള്‍ ലഭിച്ചിട്ടുണ്ടെന്നും ഇതിലാണ് നടപടിയെടുത്തതെന്നും പ്രിന്‍സിപ്പല്‍ പറഞ്ഞു. പരാതി താമരശ്ശേരി പൊലീസിന് കൈമാറിയതായും പ്രിന്‍സിപ്പല്‍ അറിയിച്ചു.