കോഴിക്കോട്: ബഫര്‍സോണ്‍ വിഷയത്തില്‍ കര്‍ഷക സംഘടനകളുമായി ചേര്‍ന്ന് സമരം ഏറ്റെടുക്കാനൊരുങ്ങി കോണ്‍ഗ്രസ്. മലബാര്‍ വന്യജീവി സങ്കേതത്തിന്റെ ബഫര്‍സോണുമായി ബന്ധപ്പെട്ട് കര്‍ഷകര്‍ക്കുള്ളത് നിരവധി ആശങ്കകളാണ്. ഗ്രൗണ്ട് സര്‍വേ നടത്തണമെന്നാണ് കര്‍ഷകരുടെ ആവശ്യം. കര്‍ഷകരുടെ ആവശ്യവും ആശങ്കകളും ഏറ്റെടുത്താണ് സമരത്തിന് കോണ്‍ഗ്രസ് കൈപിടിക്കുന്നത്.
സമരത്തിന് മുന്നോടിയായി ചൊവ്വാഴ്ച കൂരാച്ചുണ്ടില്‍ കോണ്‍ഗ്രസ് സമരപ്രഖ്യാപന കണ്‍വെന്‍ഷന്‍ നടത്തും. ബഫര്‍ സോണിന്റെ ഉപഗ്രഹ സര്‍വേ പുറത്തുവന്നതനുസരിച്ച് ഏഴ് പഞ്ചായത്തുകളെ ബാധിക്കുമെന്നാണ് കര്‍ഷകര്‍ പരാതിപ്പെടുന്നത്. എന്നാല്‍ ഇത് ഏതൊക്കെ ഭാഗമാണ് എന്നത് സംബന്ധിച്ച് കൃത്യത വന്നിട്ടില്ല.