തിരുവല്ലയിലെ പ്രാദേശിക നേതാവിനെ സി.പി.എം പുറത്താക്കിയേക്കും. സി.പി.എം കോട്ടാലി ബ്രാഞ്ച് സെക്രട്ടറി സി.സി സജിമോനെയാണ് പാര്‍ട്ടിയില്‍ നിന്ന് പുറത്താക്കുക.
വീട്ടമ്മയെ പീഡിപ്പിച്ച് ഗര്‍ഭിണിയാക്കി ഡി.എന്‍.എ പരിശോധന അട്ടിമറിക്കാന്‍ ശ്രമിച്ച കേസിലെ പ്രതിയാണ്. 2018 ലെ കേസിന് പിന്നാലെ ഇയാളെ അന്വേഷണ വിധേയമായി സസ്‌പെന്‍ഡ് ചെയ്തിരുന്നു. എന്നാല്‍ പിന്നീട് പാര്‍ട്ടിയില്‍ തിരിച്ചെടുത്ത് കൂടുതല്‍ ചുമതലകള്‍ നല്‍കി.
ഇതിനിടെ വീട്ടമ്മയുടെ നഗ്‌നചിത്രമെടുത്ത് പ്രചരിപ്പിച്ചെന്ന ആരോപണവും ഇയാള്‍ക്കെതിരെ ഉയര്‍ന്നിരുന്നു. ഗുരുതരമായ നിരവധി പരാതികള്‍ നേതൃത്വത്തിന് ലഭിച്ചതിനെ തുടര്‍ന്നാണ് നടപടി. സി.ഐ.ടി.യു ഓട്ടോ തൊഴിലാളി യൂണിയന്‍ തിരുവല്ല ഏരിയ വൈസ് പ്രസിഡന്റാണ് സജിമോന്‍.