കുട്ടികള്‍ ക്രിക്കറ്റ് കളിക്കുന്നത് മദ്യപിച്ചെത്തി തടഞ്ഞ് സി.പി.എം പഞ്ചായത്ത് പ്രസിഡന്റ്. കുട്ടനാട്ടിലെ കാവാലം പഞ്ചായത്ത് പ്രസിഡന്റ് പി.ജെ ജോഷിയാണ് കുട്ടികളുമായി തര്‍ക്കത്തിലേര്‍പ്പെട്ടതും ഭീഷണി മുഴക്കിയതും. കുട്ടികളുമായി തര്‍ക്കിക്കുന്നതിനിടയില്‍ താന്‍ സിപിഎം കാരനാണെന്ന് പറയുകയും ചെയ്യുന്നുണ്ട്. സി.പി.എം കുട്ടനാട് ഏരിയ കമ്മിറ്റി അംഗവും മുന്‍ ലോക്കല്‍ കമ്മിറ്റി സെക്രട്ടറിയുമാണ് ജോഷി. കളിക്കുന്ന സ്ഥലത്ത് മാലിന്യം തള്ളിയ വിവരം വാട്‌സാപ് ഗ്രൂപ്പുകളില്‍ കുട്ടികള്‍ ഇട്ടിരുന്നു. ഇതാണ് തര്‍ക്കത്തിന് കാരണമെന്നാണ് സൂചന. തര്‍ക്കത്തിനൊടുവില്‍ നാട്ടുകാരില്‍ ചിലര്‍ പഞ്ചായത്ത് പ്രസിഡന്റിനെ പിടിച്ചു മാറ്റി കൊണ്ടുപോകുന്നത് ദൃശ്യങ്ങളില്‍ കാണാം.