വടകരയിൽ ആരായാലും പിന്തുണയ്ക്കുമെന്ന് കെ കെ രമ. ലോക്സഭാ തെരഞ്ഞെടുപ്പില്‍ വടകരയിൽ സ്ഥാനാർത്ഥി ആരെന്നത് വിഷയമല്ലെന്ന് കെകെ രമ എംഎല്‍എ. ഫാസിസ്റ്റ് വിരുദ്ധ രാഷ്ട്രീയം മാത്രമാണ് ചർച്ച. സ്ഥാനാർത്ഥി മാറിയാലും വലിയ മാറ്റമുണ്ടാകില്ലെന്ന് കെ കെ രമ. ഏത് സ്ഥാനാർത്ഥിയായാലും ആർഎംപി പിന്തുണയ്ക്കും.
5 വര്‍ഷമായി വടകരയെ സജീവമായി മുന്നോട്ട് കൊണ്ടുപോയ വ്യക്തിയാണ് കെ മുരളീധരന്‍. സുരേഷ് ഗോപിക്കെതിരെ മികച്ച വിജയം നേടാന്‍ മുരളിക്ക് കഴിയും. വടകരയില്‍ ഷാഫി എത്തിയാലും മികച്ച പോരാട്ടമായിരിക്കും. പിണറായിക്കെതിരെ വിരല്‍ ചൂണ്ടി ചോദ്യങ്ങള്‍ ചോദിക്കുന്ന നേതാവാണ് ഷാഫി. പാര്‍ലമെന്റിലും മോദിക്കെതിരെ ചോദ്യങ്ങള്‍ ഉന്നയിക്കാന്‍ തന്റേടം ഉള്ളയാളാണ് ഷാഫിയെന്നും രമ വ്യക്തമാക്കി.
മുരളീധരൻ ആർഎംപിയെ എന്നും ചേർത്തുപിടിച്ച നേതാവാണ്. സിപിഐഎം കെകെ ശൈലജയെ വടകരയിൽ കരുവാക്കുക ആയിരുന്നുവെന്നും കെകെ രമ പറഞ്ഞു.