തിരുവനന്തപുരം പാറ്റൂര്‍ ആക്രമണക്കേസില്‍ പ്രതികളുടെ കീഴടങ്ങല്‍ പൊലീസിന്റെ സഹായത്തോയാണൊ എന്ന് സംശയം. അഭിഭാഷകന്റെ സഹായത്തോടെ തിരുവനന്തപുരത്തെ കോടതിയിലാണ് കീഴടങ്ങിയത്. കേസില്‍ പ്രധാന പ്രതികളായ ആരിഫ്, ആസിഫ്, ജോമോന്‍, രഞ്ജിത്ത് എന്നിവരാണ് കീഴടങ്ങിയത്. പ്രതികളിലൊരാള്‍ കോടതിയിലെത്തി ഇവിടെനിന്ന് ആശുപത്രിയില്‍ പോയശേഷമാണ് തിരികെ വന്ന് കീഴടങ്ങിയത്. ഇത്രയൊക്കെ നടന്നിട്ടും ഇതൊന്നും പൊലീസ് അറിഞ്ഞില്ലെന്നത് സംശയങ്ങള്‍ കൂടുതല്‍ ദൃഢമാക്കുന്നു. പതിനാല് ദിവസം മുമ്പാണ് പാറ്റൂരില്‍ വെച്ച് ഓം പ്രകാശിന്റെ സംഘം നിധിന്‍ എന്നയാളുടെ പേരിലുള്ള സംഘവുമായി ഏറ്റുമുട്ടിയത്. അഞ്ചംഗസംഘം നിതിനെ വെട്ടി പരിക്കേല്‍പ്പിച്ചിരുന്നു. നിധിനും സുഹൃത്തുക്കളും ഇന്നോവയില്‍ യാത്ര ചെയ്യുമ്പോഴായിരുന്നു ആക്രമണം.