കൊച്ചി: ജീവനക്കാരുടെ സമരം ഒത്തുതീര്‍പ്പായെങ്കിലും കണ്ണൂര്‍,നെടുമ്പാശ്ശേരി,യുഎഇ എന്നിവടങ്ങളില്‍ നിന്നുള്ള എയര്‍ ഇന്ത്യാ സര്‍വീസുകള്‍ ഇന്നും മുടങ്ങി. പുലര്‍ച്ചെ മുതലുള്ള അഞ്ച് സര്‍വീസുകളാണ് കണ്ണൂരില്‍ റദ്ദാക്കിയത്. ഷാര്‍ജ,ദമാം,ദുബായ്,റിയാദ്,അബുദാബി വിമാനങ്ങളാണ് റദ്ദാക്കിയത്.
ദമാം,മസ്‌കറ്റ്,ബാംഗ്ലൂര്‍,ഹൈദരാബാദ്,കൊല്‍ക്കത്ത എന്നിവടങ്ങളിലേക്കുള്ള എയര്‍ ഇന്ത്യാ എക്‌സ്പ്രസ് വിമാനങ്ങളാണ് നെടുമ്പാശ്ശേരിയില്‍ റദ്ദാക്കിയത്. യുഎഇയിലും ഇതിനോടകം നാല് എയര്‍ ഇന്ത്യാ എക്‌സ്പ്രസ് വിമാനങ്ങളാണ് റദ്ദാക്കിയത്. ദുബായ്,കോഴിക്കോട്,അബുദാബി-കോഴിക്കോട്,അബുദാബി-തിരുവനന്തപുരം,ഷാര്‍ജ-കണ്ണൂര്‍ വിമാനങ്ങളാണ് റദ്ദാക്കിയത്.
അതേ സമയം കരിപ്പൂരിലും തിരുവനന്തപുരത്തും എയര്‍ ഇന്ത്യാ എക്‌സ്പ്രസ്സ് സര്‍വീസുകള്‍ പുനരാരംഭിച്ചു. കരിപ്പൂരില്‍ നിന്നും ദമാം,മസ്‌ക്കറ്റ് സര്‍വീസുകളും,തിരുവനന്തപുരത്ത് നിന്നും പുലര്‍ച്ചെ 1.10നുള്ള അബുദാബി വിമാനവുമാണ് സര്‍വീസ് നടത്തിയത്.