മുന്‍ അമേരിക്കന്‍ പ്രസിഡന്റ് ഡൊണാൾഡ് ട്രംപ് ബലാത്സംഗം ചെയ്തുവെന്ന പരാതിയുമായി അമേരിക്കൻ എഴുത്തുകാരി കോടതിയെ സമീപിച്ചു.അമേരിക്കന്‍ എഴുത്തുകാരി ഇ. ജീന്‍ കാരോളാണ് ഇതുസംബന്ധിച്ച് യുഎസ് സിവില്‍ കോടതി മുമ്പാകെമൊഴി നൽകിയത്.വരാനിരിക്കുന്ന അമേരിക്കന്‍ പ്രസിഡന്റ് തെരഞ്ഞെടുപ്പില്‍ പ്രസിഡന്റ് സ്ഥാനത്തേക്ക് മത്സരിക്കാന്‍ ട്രംപ് ഒരുങ്ങുന്നതിനിടെയാണ് ട്രംപിനെതിരെ ലൈംഗികാതിക്രമ പരാതി ഉയരുന്നത്.മുപ്പത് വർഷം മുമ്പാണ് ട്രംപ് തന്നെ ബലാത്സംഗം ചെയ്തതെന്നാണ് ഇവര്‍ പറഞ്ഞത്. മാന്‍ഹട്ടനിലെ ബെര്‍ഗ്‌ഡോര്‍ഫ് ഗുഡ്മാന്‍ ഡിപ്പാര്‍ട്ട്‌മെന്റ് സ്റ്റോറിലെ ചേയ്ഞ്ചിംഗ് റൂമില്‍ വെച്ചായിരുന്നു തന്നെ ട്രംപ് ലൈംഗികമായി ആക്രമിച്ചത് എന്നാണ് കാരോളിന്റെ മൊഴി. ട്രംപിനെതിരെ നിരവധി സ്ത്രീകള്‍ ഇതിനോടകം പരാതിയുമായി രംഗത്തെത്തിയിട്ടുണ്ട്. എന്നാല്‍ ആരോപണങ്ങളെല്ലാം ട്രംപ് നിഷേധിക്കുകയായിരുന്നു. ഈ കേസുകളിലൊന്നും ട്രംപിനെ കുറ്റക്കാരനായി വിധിച്ചിട്ടില്ല