ദുബൈ ദേര നൈഫിലെ അപാർട്മെന്റിൽ ഉണ്ടായ തീപിടുത്തത്തിൽ ജീവൻ നഷ്ടമായ വേങ്ങര ചേറൂർ ചണ്ണയിൽ സ്വദേശി കാളങ്ങാടൻ റിജേഷിന്റെയും ഭാര്യ ജിഷിയുടെയും കുടുംബത്തിന് മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് ധന സഹായം പ്രഖ്യാപിക്കണമെന്ന് പി. കെ. കുഞ്ഞാലിക്കുട്ടി എം.എൽ.എ ആവശ്യപ്പെട്ടു.
ഇതുമായി ബന്ധപ്പെട്ട് കണ്ണമംഗലം പഞ്ചായത്ത് മുസ്ലിം ലീഗ് കമ്മിറ്റി നൽകിയ നിവേദനം മുഖ്യമന്ത്രിക്ക് സമർപ്പിച്ചു. ഒരു കുടുംബത്തിന്റെ പ്രതീക്ഷയും, ആശ്രയുവുമായിരുന്ന ഇവരുടെ ആകസ്മിക വിയോഗം വലിയ ഞെട്ടലുണ്ടാക്കുന്നതായിരുന്നു.സർക്കാർ സഹായം കുടുംബത്തിന് വലിയ ആശ്വാസമായി മാറും.
പഞ്ചായത്ത് മുസ്ലിം ലീഗ് പ്രസിഡണ്ട് പൂക്കുത്ത് മുജീബ്, ജനറൽ സെക്രട്ടറി ഇ കെ മുഹമ്മദ് കുട്ടി, ജില്ലാ സെക്രട്ടറി എപി ഉണ്ണികൃഷ്ണൻ, അരീക്കൻ കുഞ്ഞുട്ടി,TK അബ്ദുട്ടി,യു കെ, ഇബ്രാഹിം, കെ വി ആസിഫ് മാസ്റ്റർ, നെടുമ്പള്ളി സൈതു, കാപ്പൻ ശിഹാബ്, ചാക്കീരി മാനു, യുപി മുഹമ്മദ് കുട്ടി എന്നിവർ പങ്കെടുത്തു.