ദുബായ്: ദുബായ് കെ.എം.സി.സിക്ക് പുതിയ ഓഫീസ് അബൂഹൈല്‍ മെട്രോ സ്‌റ്റേഷനടുത്ത് ഒരുങ്ങുന്നു. ഡോ.പി.എ ഇബ്രാഹിം ഹാജിയുടെ നാമത്തില്‍ പണിയുന്ന 500പേര്‍ക്ക് ഇരിക്കാവുന്ന ഓഡിറ്റോറിയം ഉള്‍പ്പെടെ വിശാലമായ സൗകര്യങ്ങളോടുകൂടിയാണ് ഓഫീസ് പ്രവര്‍ത്തനം തുടങ്ങുന്നത്. കോണ്‍ഫറന്‍സ്ഹാള്‍, ലൈബ്രറി ഹാള്‍, എക്‌സിക്യുട്ടീവ്‌റൂം, ഐ.ടി റൂം തുടങ്ങിയവ സജ്ജീകരിക്കുന്നുണ്ട്. ഓഫീസിന്റെ ഉദ്ഘാടനം സപ്തംബറില്‍ മുസ്‌ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വ്വഹിക്കും.
പി.കെ കുഞ്ഞാലിക്കുട്ടി, പി.എം.എ സലാം തുടങ്ങിയ നേതാക്കള്‍ പങ്കെടുക്കും. പുതിയ ഓഫീസിലേക്കുള്ള മാറ്റം കായക്കൊടി ഇബ്രാഹിം മുസ്‌ല്യാരുടെയും ദുബായ് സുന്നി സെന്റര്‍ ആക്ടി.പ്രസിഡണ്ട് ഉസ്താദ് ജലീല്‍ ദാരിമിയുടെയും നേതൃത്വത്തില്‍ പ്രാര്‍ത്ഥനയോടെ നടന്നു. ദുബായ് കെഎംസിസി ആക്ടിംഗ് പ്രസിഡണ്ട് ഇബ്രാഹിം മുറിച്ചാണ്ടി അധ്യക്ഷത വഹിച്ചു.
യുഎഇ കെഎംസിസി ജനറല്‍ സെക്രട്ടറി പികെ അന്‍വര്‍ നഹ, ഷൗക്കത്തലി ഹുദവി, ഇ.പി.എ ഖാദര്‍ ഫൈസി, കെഎംസിസി സംസ്ഥാന ഭാരവാഹികളായ ഒ.കെ ഇബ്രാഹിം , മുസ്തഫ വേങ്ങര, മുഹമ്മദ് പട്ടാമ്പി, റഈസ് തലശ്ശേരി, എന്‍കെ ഇബ്രാഹിം, ആര്‍.ശുക്കൂര്‍, അബ്ദുല്‍ ഖാദര്‍ അരിപ്പാമ്പ്ര, ഇസ്മായില്‍ അരൂക്കുറ്റി, കെ.പി.എ സലാം , അഡ്വ.ഇബ്രാഹിം ഖലീല്‍, ഒ.മൊയ്തു, ഹസന്‍ ചാലില്‍, മജീദ് മടക്കിമല, നിസാമുദ്ദീന്‍ കൊല്ലം, ഹനീഫ് ചെര്‍ക്കള, യൂസഫ് മാസ്റ്റര്‍ മണ്ണാര്‍ക്കാട്, ഫാറൂഖ് പട്ടിക്കര എന്നിവര്‍ ചടങ്ങില്‍ സംബന്ധിച്ചു. ജനറല്‍ സെക്രട്ടറി മുസ്തഫ തിരൂര്‍ സ്വാഗതവും സീനിയര്‍ വൈസ് പ്രസിഡണ്ട് ഹുസൈനാര്‍ ഹാജി എടച്ചാക്കൈ നന്ദിയും പറഞ്ഞു.