റോഡിലെ കുഴിയടക്കാത്തതില്‍ പ്രതിഷേധവുമായി ഡിവൈഎഫ്‌ഐയും രംഗത്ത്. കഴക്കൂട്ടത്തെ ആറ്റിന്‍കുഴി മേഖലാ കമ്മിറ്റിയുടെ നേതൃത്വത്തിലാണ് ഇരുപതോളം പ്രവര്‍ത്തകര്‍ ഇന്ന് പ്രതിഷേധിച്ചത്.
ദേശീയപാതയില്‍ നിന്ന് വിഎച്ച്എസ്ഇയിലേക്കുള്ള റോഡിലെ കുഴികള്‍ അടക്കണമെന്ന് ആവശ്യപ്പെട്ടാണ് പ്രവര്‍ത്തകര്‍ പ്രതിഷേധം സംഘടിപ്പിച്ചത്.
റോഡിലെ കുഴികള്‍ അടക്കണമെന്ന് ആവശ്യപ്പെട്ട് സംസ്ഥാന വ്യാപകമായി പ്രതിപക്ഷ സംഘടനകള്‍ പ്രതിഷേധം നടത്തുന്നതിനിടെയാണ് ഭരണപക്ഷ യുവജന സംഘടനയായ ഡി.വൈ.എഫ്.ഐ രംഗത്തെത്തിയിരിക്കുന്നത്. ഭരണപക്ഷത്തെ ഒരു യുവജന സംഘടന തന്നെ പരസ്യമായി രംഗത്തു വന്ന സാഹചര്യം സര്‍ക്കാരിന് വലിയ തിരിച്ചടിയയാണ് കാണാനാവുന്നത്.