ലൈഫ് മിഷന്‍ അഴിമതിക്കേസില്‍ മുഖ്യമന്ത്രി പിണറായി വിജയന്റെ അഡീഷണല്‍ പ്രൈവറ്റ് സെക്രട്ടറി സി.എം രവീന്ദ്രനെ എന്‍ഫോഴ്‌സ്‌മെന്റ് ഡയറക്ട്രറ്റ് ഇന്ന് ചോദ്യം ചെയ്യും. രാവിലെ 10.30ന് കൊച്ചിയില്‍ എത്താന്‍ സി.എം രവീന്ദ്രന് നിര്‍ദേശം നല്‍കിയിട്ടുണ്ട്.
നിയമസഭ നടക്കുന്നതിനാല്‍ എത്താനാകില്ലെന്ന് വ്യക്തമാക്കി കഴിഞ്ഞാഴ്ച നോട്ടീസ് ലഭിച്ചപ്പോള്‍ രവീന്ദ്രന് ഒഴിഞ്ഞുമാറിയിരുന്നു. ഇന്നും ഹാജരായില്ലെങ്കില്‍ കടുത്ത നടപടികളിലേക്കു കടക്കുമെന്ന് ഇഡി നേരത്തെ അറിയിച്ചിട്ടുണ്ട്. മൂന്ന് തവണ നോട്ടീസ് നല്‍കിയിട്ടും ഹാജരായില്ലെങ്കില്‍ അറസ്റ്റ് ചെയ്യാന്‍ ഇഡിക്ക് അധികാരമുണ്ട്.