ഇബ്രാഹിം നബിയുടെയും ഇസ്മാഈല്‍ നബിയുടെ ത്യാഗം അനുസ്മരിച്ച് ഈദ് അസ്ഹ (ബലിപെരുന്നാള്‍ ) വിശ്വാസികള്‍ സ്‌നേഹഭക്തിനിര്‍ഭരമായി നാടെങ്ങും ആഘോഷിച്ചു. പള്ളികളിലും ഈദ് ഗാഹുകളിലും പെരുന്നാള്‍ പ്രത്യേക നമസ്‌കാരവും പ്രാര്‍ത്ഥനയും നടന്നു. ഇമാമുമാര്‍ പ്രാര്‍ത്ഥനകള്‍ക്ക് നേതൃത്വം നല്‍കി.
ബലികര്‍മങ്ങളും മാംസ വിതരണവും നടന്നു . ത്യാഗത്തിന്റെയും ആത്മസമര്‍പ്പണത്തിന്റെയും സന്ദേശം ജീവിതത്തില്‍ പകര്‍ത്താന്‍ പ്രഭാഷണങ്ങളില്‍ പണ്ഡിതര്‍ ആഹ്വാനം ‘ ചെയ്തു. ബലികര്‍മങ്ങള്‍ നാളെയും തുടരും . ഇന്ത്യയില്‍ ഇന്നാണ് ബലിപെരുന്നാള്‍ . ഗള്‍ഫില്‍ ഇന്നലെയായിരുന്നു ആഘോഷം