വ്യാജപ്രവര്‍ത്തി പരിചയ സര്‍ട്ടിഫിക്കറ്റ് ഉണ്ടാക്കിയ കേസില്‍ മുന്‍ എസ്എഫ്‌ഐ നേതാവ് കെ വിദ്യയെ ജൂലൈ 6 വരെ റിമാന്‍ഡ് ചെയ്തു. റിമാന്‍ഡ് കാലയളവില്‍ രണ്ടുദിവസത്തെ പൊലീസ് കസ്റ്റഡി അനുവദിച്ചിട്ടുണ്ട്. 24ന് വിദ്യയെ വീണ്ടും ഹാജരാക്കാന്‍ മണ്ണാര്‍ക്കാട് കോടതി ഉത്തരവിട്ടു.
24ന് വിദ്യയെ കോടതിയില്‍ ഹാജരാക്കുമ്പോള്‍ ചിലപ്പോള്‍ ജാമ്യ അപേക്ഷ പരിഗണിച്ചേക്കും. അധ്യാപികയായ വിദ്യയെ തീവ്രവാദ, കൊലപാതക കേസ് പ്രതികളെ പോലെയാണ് കൈകാര്യം ചെയ്യുന്നതെന്ന് അഭിഭാഷകന്‍ പറഞ്ഞു.