ജമ്മു കശ്മീരിലെ മുന്‍ മന്ത്രിയും ദോഗ്ര സ്വാഭിമാന്‍ സംഘടന ചെയര്‍മാനുമായ ചൗധരി ലാല്‍ സിങ് കോണ്‍ഗ്രസില്‍ ചേര്‍ന്നു. 2014ലാണ് ചൗധരി ലാല്‍ സിങ് ബി.ജെ.പിയില്‍ ചേര്‍ന്നത്. തുടര്‍ന്ന് പി.ഡി.പി-ബി.ജെ.പി സഖ്യ സര്‍ക്കാരില്‍ മന്ത്രിയായിരുന്നു.
ലോക്‌സഭാ തെരഞ്ഞെടുപ്പില്‍ ഉധംപൂര്‍ മണ്ഡലത്തില്‍ നിന്നും കോണ്‍ഗ്രസ് സ്ഥാനാര്‍ഥിയായി മത്സരിക്കും. രണ്ടു തവണ മണ്ഡലത്തെ പ്രതിനിധീകരിച്ച ജിതേന്ദര്‍ സിങ്ങാണ് ഇവിടുത്തെ ബി.ജെ.പി സ്ഥാനാര്‍ഥി. ഉധംപൂരില്‍ നിന്ന് രണ്ട് തവണ എം.പിയായ ചൗധരിയുടെ കോണ്‍ഗ്രസിലേക്കുള്ള തിരിച്ചുവരവ് ജമ്മുവില്‍ പാര്‍ട്ടിയുടെ പ്രതീക്ഷകള്‍ക്ക് കരുത്തേകുമെന്നാണ് കരുതുന്നത്.