വിദേശത്ത് ജോലി വാഗ്ദാനം ചെയ്തു കോടികള്‍ തട്ടിയ സംഭവത്തില്‍ രണ്ട് പേര്‍ പിടിയില്‍. വള്ളിക്കീഴില്‍ പ്രവര്‍ത്തിച്ചിരുന്ന പ്രതികളുടെ ജിഡിജിഎച്ച് പ്രൈവറ്റ് ലിമിറ്റഡ് ഉടമകളായ ആലപ്പുഴ പള്ളിപ്പാട് നടുവട്ടം ആക്കാവൂര്‍ മഠത്തില്‍ സുനിത, ആലുപ്പുഴ തോട്ടപ്പള്ളി തട്ടേക്കാട് ജസ്റ്റിന്‍ സേവ്യര്‍ എന്നിവരെ മഹാരാഷ്ട്രയിലെ ചന്ദ്രാപുര്‍ റെയില്‍വേ സ്‌റ്റേഷനില്‍ നിന്നാണ് പിടികൂടിയത്.
3,60,000 രൂപ നല്‍കിയാല്‍ ജപ്പാനില്‍ ജോലി നല്‍കാമെന്ന് പരസ്യം നല്‍കിയാണ് ഇവര്‍ തട്ടിപ്പ് നടത്തിയത്. സംസ്ഥാനത്തിന്റെ വിവിധ ഭാഗങ്ങളില്‍ നിന്നുള്ള ആളുകള്‍ ഇവര്‍ക്ക് പണം നല്‍കിയിരുന്നു. വിദേശത്തേക്കു കടക്കാനായിരുന്നു ഇരുവരുടെയും ശ്രമമെന്നാണു സൂചന. സിറ്റി പൊലീസ് കമ്മീഷണര്‍ മെറിന്‍ ജോസഫിനു ലഭിച്ച വിവരത്തിന്റെ അടിസ്ഥാനത്തിലാണ് അസി. കമ്മിഷണര്‍ എ. അഭിലാഷ് പ്രത്യേക അന്വേഷണ സംഘം രൂപീകരിച്ചത്.