തിരുവമ്പാടി മുന്‍ എം.എല്‍.എയും സി.പി.എം. നേതാവുമായ ജോര്‍ജ് എം. തോമസിനെതിരായ പരാതിയില്‍ പരാതിക്കാരനായ തോട്ടുമുക്കം സ്വദേശി ബാലകൃഷ്ണന്റെ മൊഴിയെടുക്കും.പണം വാങ്ങി പോക്‌സോ കേസ് ഒത്തുതീര്‍പ്പാക്കാന്‍ കൂട്ട് നിന്നു കേസ് ഒത്തു തീര്‍പ്പാക്കാന്‍ സഹായിച്ച പോലീസ് ഉദ്യോഗസ്ഥന് വയനാട്ടില്‍ ഭൂമി വാങ്ങി നല്‍കി,ക്വാറി ഉടമകളില്‍ നിന്ന് ഉള്‍പ്പടെ പണം വാങ്ങി തുടങ്ങിയ ആരോപണങ്ങളാണ് ജോര്‍ജ് എം. തോമസിനെതിരെ ഉയർന്നിരിക്കുന്നത്.ഈ പരാതിയില്‍ ആണ് വടകര റൂറല്‍ എസ്.പി. ഓഫീസില്‍ വെച്ച് ബാലകൃഷ്ണന്റെ മൊഴി രേഖപ്പെടുത്തുക.എം.എല്‍.എ. ആയിരുന്ന പത്ത് വര്‍ഷക്കാലം ജോര്‍ജ് എം. തോമസ് ചെയ്ത നിയമ വിരുദ്ധ പ്രവര്‍ത്തനങ്ങളില്‍ അന്വേഷണം ആവശ്യപ്പെട്ടാണ് തോട്ടുമുക്കം സ്വദേശി ബാലകൃഷ്ണൻ ഡി.ജി.പി ക്ക് പരാതി നൽകിയിരിക്കുന്നത്.ജോര്‍ജ് എം. തോമസിനെതിരെ നേരത്തെ അന്വേഷണം നടത്തി പാർട്ടി നടപടി എടുത്തിരുന്നു എങ്കിലും നടപടി പരസ്യപ്പെടുത്താന്‍ പാര്‍ട്ടി സംസ്ഥാന കമ്മറ്റി ഇതുവരെ തയാറായിട്ടില്ല.
പോക്‌സോ കേസ് ഒത്തുതീര്‍പ്പിൽ ജോര്‍ജ് എം തോമസിനെതിരായ ആരോപണത്തില്‍ പരാതിക്കാരന്റെ മൊഴി രേഖപ്പടുത്തും.
Tags: georgemthomas