ഇന്ത്യയിൽ നിന്നുള്ള രണ്ട് കാഴ്ചകൾ.
ഒന്ന്: യു.പിയിലെ മുസഫർ നഗറിൽ നിന്ന്: തൃപ്തി ത്യാഗി എന്ന അധ്യാപിക ഒരു മുസ്ലിം വിദ്യാർത്ഥിയെ ക്ലാസിൽ എഴുന്നേൽപിച്ച് നിർത്തി മറ്റുള്ള വിദ്യാർത്ഥികളോട് ഒരോരുത്തരായി അവൻ്റെ മുഖത്തടിക്കാൻ പറയുന്നു, ഒരോ അടിക്കും ആ കുഞ്ഞുമോൻ തേങ്ങിക്കരയുന്നുണ്ട്, ആരൊക്കൊയൊ അത് കണ്ട് ചിരിക്കുന്നതും വീഡിയോയിൽ കേൾക്കാം.
രണ്ട്: എൻ്റെ മലപ്പുറത്ത് നിന്ന്:
നുഹൈം എന്ന വിദ്യാർത്ഥി ചിത്രരചനക്ക് തനിക്കു സമ്മാനമായി കിട്ടിയ സൈക്കിൾ ഒരു പ്രാവശ്യം പോലും അതിൽ കയറി നോക്കാതെ സഹോദര മതത്തിൽപ്പെട്ട ഉറ്റ സുഹൃത്തായ സങ്കീർത്തിന് നൽകുന്നു.
“നുഹൈമേ നിനക്ക് സൈക്കിളില്ലല്ലോ നിനക്ക് വേണ്ടേ.? “
നുഹൈമിൻ്റെ മറുപടി: “സങ്കീർത്ത് പാവാണ്, അവന് ആരുമില്ല.”
ഇതാണ് സ്നേഹം .തനിക്കില്ലങ്കിലും തൻ്റെ സഹോദരന് ഉണ്ടാവണം.
നുഹൈമിൽ എല്ലാവർഗീയ വിഷജന്തുക്കൾക്കും പാഠമുണ്ട്.”.വിശാലമനസ്‌കന്‍ എന്ന ഫെയ്‌സ് ബുക് പോസ്റ്റിലൂടെ സിദ്ധീഖ്ചേറൂരാണ് ഇങ്ങനെ അഭിപ്രായപ്പെട്ടത്.
മൊയ്‌നൂസ് വ്‌ളോഗ്‌സ് ‘എന്ന വ്‌ളോഗര്‍ തന്റെ പരിപാടിയിലൂടെ ഒരു കുട്ടിക്ക് സൈക്കിള്‍ സമ്മാനമായി നല്‍കുന്നതും അത് കൂട്ടുകാരന് സമ്മാനമായി കൈമാറുന്നതുമാണ് പരിസരം.