ഗൃഹനാഥന്‍ കിടപ്പുമുറിയില്‍ വെടിയേറ്റ് മരിച്ചു. നെടുംകണ്ടം പൊലീസ് സ്റ്റേഷന്‍ പരിധിയിലെ മാവാടി പ്ലാക്കല്‍ വീട്ടില്‍ സണ്ണി തോമസ് (57) ആണ് കൊല്ലപ്പെട്ടത്. ഇന്നലെ രാത്രിയാണ് സംഭവം.
മുറിയില്‍ നിന്ന് സ്‌ഫോടന ശബ്ദം കേട്ട് വീട്ടുകാരെത്തി മുറി തുറന്നപ്പോഴാണ് രക്തത്തില്‍ കുളിച്ച ഇദ്ദേഹത്തെ കണ്ടെത്തിയത്.
ആത്മഹത്യയാണ് എന്നായിരുന്നു പ്രാഥമികമായി സംശയിച്ചിരുന്നത്. എന്നാല്‍ ഇയാളുടെ മുറിയില്‍ നിന്ന് തോക്കോ വെടിയുണ്ടയോ കണ്ടെത്താന്‍ സാധിച്ചിട്ടില്ല. അന്വേഷണം പുരോഗമിക്കുന്നതായി പൊലീസ് അറിയിച്ചു.